Fjármálastjóri Endurmenntunar - Laust starf

Endurmenntun Háskóla Íslands leitar að fjármálastjóra í fullt starf. Fjármálastjóri heyrir beint undir forstöðumann Endurmenntunar og ber ábyrgð á fjármálum stofnunarinnar gagnvart forstöðumanni. Fjármálastjóri stýrir teymi fjögurra starfsmanna fjármála og reksturs.

Helstu verkefni og ábyrgð

Ábyrgð á daglegum fjármálarekstri t.d. innheimtu og greiðslu reikninga, innkaupum og samningamálum
Greiningar á fjármálum, rekstrarkostnaði, framlegð og öðrum tölulegum gögnum
Fjárhagsáætlun Endurmenntunar, gerð og eftirfylgni í samráði við forstöðumann
Stjórnun teymis fjármála- og reksturs
Upplýsingagjöf og þjónusta til viðskiptavina og samstarfsfólks/stjórnenda
Umsjón með þróun ferla og umbótaverkefnum sem snerta fjármál og bókhald
Ábyrgð á utanumhaldi á viðhaldi, aðstöðu og búnaði Endurmenntunar

Hæfniskröfur

Háskólapróf sem nýtist í starfi t.d. á sviði fjármála, viðskiptafræði, hagfræði eða skyldum greinum
Reynsla af fjármálastjórnun og greiningu fjárhagsupplýsinga
Reynsla af stjórnun er æskileg
Reynsla af notkun bókhalds- og fjárhagsupplýsingakerfa
Góð hæfni í notkun upplýsingatæknilausna eins og Excel, kunnátta á Power BI er æskileg
Lipurð í mannlegum samskiptum og þjónustulund
Góð íslensku og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Umsóknir þurfa að berast í gegnum Starfatorg að meðfylgjandi eftirfarandi gögnum:

Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Endurmenntun Háskóla Íslands, EHÍ, er í fararbroddi í sí- og endurmenntun á Íslandi og tekur árlega á móti þúsundum nemenda á námskeið og í lengra nám. Hlutverk EHÍ er að stuðla að betra samfélagi með því að efla þekkingu og hæfni, tengja fólk og skapa tækifæri. Hjá EHÍ starfa tuttugu starfsmenn.

Starfshlutfall er 100%

Umsóknarfrestur er til og með 26.05.2025