Fara í meginmál

Tími skáld­anna - um skáld­skap og skáld­skapar­fræði á Sturlunga­öld

5 stjörnur

Hér er boðið upp á óvænt ferða­lag um skáld­skap þrett­ándu aldar.

Hér er boðið upp á óvænt ferðalag um skáldskap þrettándu aldar. Sturlungaöld var tími skálda og rithöfunda sem margir voru einnig gerendur í valdabaráttu aldarinnar. Hvernig stóð á því? Á námskeiðinu er kafað ofan í vísur ólíkra skálda, hlutverk kveðskapar í samfélaginu og hvernig hann var notaður í sögum eins og Sturlungu.

Sturlungaöld er tími skáldanna. Dróttkvæðar vísur eru heillandi og einstakar heimildir um samfélag og menningarheim þrettándu aldar. Hver vísa veitir innsýn í hugarheim og ímyndunarafl skáldsins, myndmálið varpar ljósi á umhugsun þess um heiminn og formið sýnir íþrótt skáldanna. En kveðskapur var ekki ætlaður til prívatbrúks. Hann skipti máli í samfélaginu, skapaði skáldinu stöðu, var valdatæki og gat valdið usla. Skáldin náðu jafnvel eyrum erlendra konunga og ortu fyrir sjálfan himnakónginn. Vísum var fléttað inn i sögur, ekki til skrauts heldur til að koma að öðrum sjónarmiðum en prósinn leyfði.

Á námskeiðinu förum við í óvænt ferðalag til Sturlungaaldar og greinum skáldskap stórkostlegra skálda eins og Kolbeins Tumasonar, Guðmundar Oddssonar, Ingjaldar Geirmundarsonar, Sturlu Þórðarsonar, Gissurar Þorvaldssonar og Snorra Sturlusonar, svo að nokkur séu nefnd. Aðalheimild námskeiðsins er Sturlunga, en einnig ómetanlegar kennslubækur í skáldskap, Snorra Edda og Þriðja málfræðiritgerð Ólafs Þórðarsonar.

Námskeiðið er fyrir alla sem hafa áhuga á íslenskri bókmenntasögu.

„Frá­bær teng­ing bók­mennta og sögu."

Netnám

12 klst.

Hvar og hvenær sem er

Kenn­ari

Styrk­ur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?

Verð

25.900 kr.

Tengd nám­skeið

Vef­kökustill­ing­ar

Við notum vefkökur (Google Analytics) til að greina umferð á síðunni.