Leiðsögunám er meðal þeirra námsleiða sem Endurmenntun HÍ hefur boðið upp á undanfarin 15 ár, enda sígild og sívinsæl. Á vorin er ávallt farin útskriftarferð hringveginn um Ísland undir öruggri leiðsögn Guðmundar Björnssonar, leiðsögumanns og aðjunkts í ferðamálafræði við HÍ, sem hefur yfirumsjón með náminu.

Markaðsdeild EHÍ, í samráði við verkefnastjóra námsins, efndi til ljósmyndasamkeppni meðal ferðalanganna. Það gekk alveg glimrandi vel og fjölda fallegra mynda var deilt á sameiginlegri Facebook síðu hópsins í ferðinni. Myndirnar áttu ýmist að lýsa náminu, stemningunni eða náttúrufegurðinni.

Veitt voru verðlaun fyrir fyrsta, annað og þriðja sæti. Hlutskarpastur var Sigfús Þ. Sigmundsson, Díana Mjöll Sveinsdóttir í öðru sæti og Jón Óskar Sólnes í þriðja. Við náðum að afhenda Sigfúsi og Jóni vinninga í húsakynnum Endurmenntunar að Dunhaga 7 og smelltum af þeim myndum. Díana var löngu komin heim til Eskifjarðar svo hún fær sín verðlaun í pósti.

Hér fyrir neðan eru vinningshafarnir í réttri röð og myndirnar þeirra. Í framhaldi af því eru svo fleiri frábærar myndir úr ferðinni.

Við hjá Endurmenntun vekjum athygli á því að frestur til að sækja um í þetta fjölbreytta og skemmtilega nám hefur verið framlengdur til 26. júní.
Allar upplýsingar um námið er að finna hér.

Hér er svo algjör myndaveisla frá þessum frábæra hópi nemenda. Njótið!