Ráðstefnan „Convergence: Credential Innovation in Higher Education“ var haldin dagana 29. september til 1. október 2025 í Washington D.C. á vegum samtakanna UPCEA og AACRAO.

Endurmenntun HÍ er meðlimur UPCEA (The Online and Professional Education Association), sem eru leiðandi alþjóðleg samtök sem styðja háskóla og aðrar menntastofnanir í nýsköpun og framþróun á sviði endurmenntunar. 

Tveir starfsmenn Endurmenntunar, Íris Dröfn Magnúsdóttir og Elva Björg Arnarsdóttir fengu boð frá Drieam um að halda klukkutíma fyrirlestur á ráðstefnunni um innleiðingu Eduframe. Drieam er hollenskt fyrirtæki sem þróar og rekur skráninga- og upplýsingakerfið Eduframe sem Endurmenntun innleiddi með mjög góðum árangri í ágúst 2024. 

Fyrirlestur Írisar og Elvu fór fram þriðjudaginn 30. september undir yfirskriftinni “From Vision to Reality: Transforming Continuing Education at the University of Iceland.” Fyrirlesturinn fjallaði um starfsemi Endurmenntunar HÍ og reynslu Írisar og Elvu af því að innleiða Eduframe á aðeins þremur mánuðum og þar með nútímavæða starfsemina og bæta þjónustu við nemendur og samstarfsaðila. Fyrirlesturinn var vel sóttur og sköpuðust góðar og skemmtilegar umræður í lokin.

Við hjá Endurmenntun Háskóla Íslands erum ákaflega stolt af því að Drieam hafi beðið Írisi og Elvu að segja frá reynslu sinni af innleiðingunni og hversu miklu máli skipti að allt starfsfólk var hluti af verkefninu.

Hér er hægt að lesa frétt um fyrirlesturinn á heimasíðu Drieam.