Markmið námskeiðsins er að skapa aukinn skilning hjá þátttakendum á innra eftirliti og hvernig það getur stutt við framgang stefnumiða.

Á námskeiðinu verður fjallað um helstu grunnþætti innra eftirlits og hvaða hlutverki það gegnir í rekstri fyrirtækja og stofnana. Hugað verður að uppbyggingu og rekstri innri eftirlitskerfa og skoðuð ábyrgð stjórnarmanna og annarra lykilstjórnenda á sviði innra eftirlits.

Um er að ræða hagnýta kennslu þar sem umfjöllun um viðurkennd viðmið varðandi innra eftirlit er studd reynslusögum úr atvinnulífinu. Þátttakendur munu taka virkan þátt í námskeiðinu með umræðum og úrlausn verkefna.

Á námskeiðinu er fjallað um

• Hlutverk og tilgang innra eftirlits. 
• Innri eftirlitskerfi.
• Trausta stjórnarhætti.
• Áhættu og áhættumat.
• Megin áhættuþætti og heildstæða áhættustjórnun. 
• Rekstraráhættu.
• Alþjóðlega staðla um innri endurskoðun.
• Ábyrgð stjórnarmanna gagnvart innra eftirliti.

Ávinningur þinn

• Aukin þekking og skilningur á innra eftirliti sem styður við markvissa notkun eftirlits við innleiðingu stefnumiða.
• Þekking á ábyrgð stjórnarmanna og lykilstjórnenda á innra eftirliti og hvernig axla má þá ábyrgð.

Fyrir hverja

Námskeiðið er ætlað stjórnarmönnum, lykilstarfsmönnum og öðrum stjórnendum sem vilja efla þekkingu sína og færni á sviði innra eftirlits.

Nánar um kennara

Kristín Baldursdóttir er vottaður innri endurskoðandi. Hún var yfirmaður innri endurskoðunardeildar Landsbankans 2009 - 2023 en deildin starfar í samræmi við  alþjóðlega staðla um innri endurskoðun.

Kristín hefur lokið meistaranámi í verkefnastjórnun (MPM), meistaranámi í þýsku (MA) og Cand Oecon prófi í hagfræði. Þá hefur Kristín starfsréttindi sem löggiltur verðbréfamiðlari, kennari og leiðsögumaður. Kristín starfaði í bankakerfinu í 35 ár, þar af sem stjórnandi í 25 ár. Kristín hefur sinnt kennslu samhliða námi og öðrum störfum frá 1975. Kristín starfar í dag sem sjálfstæður ráðgjafi og kennari.