Íslenskar ástarsögur eru sérstök bókmenntagrein sem á rætur að rekja til íslenskra sveitasagna. Á námskeiðinu verður fjallað um íslenskar ástarsögur, allt frá Pilti og stúlku eftir Jón Thoroddsen til Rauðu seríunnar. Guðrún frá Lundi og Snjólaug Bragadóttir frá Skáldalæk verða í stóru hlutverki, sem og Ingibjörg Sigurðardóttir og nafna hennar Jónsdóttir. 

Farið verður yfir texta úr einstökum sögum, fjallað um einkenni sagnanna og stöðu þeirra á Íslandi og alþjóðavettvangi. Ennfremur verður fjallað um áhrifamiklar þýðingar.

Á námskeiðinu er fjallað um

• Sérkenni ástarsagna.
• Sögu ástarsagna.
• Orsakir þess að fólk les eða les ekki ástarsögur.

Ávinningur þinn

• Aukinn skilningur á íslenskri bókmenntasögu.
• Aukin þekking á tengslum sálfræði og bókmennta.

Fyrir hverja

Námskeiðið er hentugt fyrir öll sem hafa áhuga á bókmenntum og samfélagi.

Nánar um kennara

Katrín Jakobsdóttir er með meistaragráðu í bókmenntum,  kennslureynslu á ólíkum skólastigum og tveggja áratuga reynslu af störfum fyrir íslenskt samfélag.