Í samstarfi við Staðlaráð Íslands

Námskeiðið varpar ljósi á hvernig alþjóðlegir staðlar geta stutt við sjálfbæra þróun í atvinnulífi og samfélagi. Þátttakendur fá innsýn í hvernig stöðlun eykur gæði, öryggi og gagnsæi og hvernig staðlar skapa sameiginlegan ramma fyrir vistvæna hönnun, ábyrg stjórnarhætti og loftslagsaðgerðir. Með raunverulegum dæmum úr íslensku atvinnulífi og hagnýtum verkefnum öðlast þátttakendur verkfæri til að nýta staðla í eigin starfsemi.

Á námskeiðinu er fjallað um

• Hvað staðlar eru og hvernig þeir verða til.
• Þrjár stoðir sjálfbærrar þróunar og tengsl við stöðlun.
• Alþjóðlega staðla á borð við ISO 14001 (umhverfisstjórnun), ISO 26000 (samfélagsleg ábyrgð) og CE-merkingar.
• Dæmi um hvernig íslensk fyrirtæki nýta staðla til að sýna ábyrgð og skapa samkeppnisforskot.
• Verkefnavinnu þar sem þátttakendur kortleggja tækifæri í eigin atvinnugrein.

Ávinningur þinn

• Skýr skilningur á því hvernig staðlar styðja sjálfbæra þróun.
• Hagnýt verkfæri til að tengja stöðlun við stefnumótun og daglega starfsemi.
• Innsýn í dæmi sem nýtast sem innblástur fyrir eigin vinnu.
• Aukið traust og sýnileiki með því að nýta staðla sem ramma fyrir samfélagslega ábyrgð.

Fyrir hverja

Námskeiðið hentar stjórnendum, verkefnastjórum og sérfræðingum í fyrirtækjum og stofnunum sem vilja efla sjálfbærnistefnu sína. Sérstaklega gagnlegt fyrir þá sem starfa við gæðastjórnun, umhverfismál, samfélagsábyrgð, stefnumótun eða ráðgjöf. Engar sérstakar forkröfur eru gerðar.

Aðrar upplýsingar

Þátttakendur þurfa ekki að undirbúa sig sérstaklega fyrir námskeiðið né hafa með sérstök verkfæri. Gott er að hafa fartölvu til að vinna í hópaverkefni, en ekki skilyrði.

Nánar um kennara

Haukur Logi Jóhannsson er umhverfis- og auðlindafræðingur og verkefnastjóri hjá Staðlaráði Íslands með reynslu af stöðlun, stefnumótun og sjálfbærni. Hefur tekið virkan þátt í alþjóðlegu og innlendu samstarfi um þróun staðla.