Á námskeiðinu sem spannar sex vikur verður lögð áhersla á að kynna fyrir þátttakendum sálfræðilegan sveigjanleika til að auka þrautseigju og seiglu.

Með því að upplifa hugsanir, líkamleg viðbrögð og tilfinningar á sveigjanlegri hátt er hægt að draga úr neikvæðum afleiðingum þeirra.

Á námskeiðinu er fjallað um

Þú munt læra að:

Láta hluti gerast með skuldbindingu.
Öðlast frelsi með því að nota sjálfan þig sem samhengi.
Búa til fókus, sveigjanleika og lífsfyllingu með því að tengjast núinu.
Aftengjast hugsunum.
Verða sveigjanlegri með persónuleg gildi.
Valdefla þig í gegnum sátt.

Ávinningur þinn

Aukin hugræn þrautsegja og seigla .
Leiðir til að þróa og styrkja sálfræðilega sátt.
Að vera meira til staðar í núinu.
Hvernig megi koma í veg fyrir að hugrænar takmarkanir stoppi þig.
Leiðir til þess að nálgast gildin þín.

Fyrir hverja

Námskeiðið gagnast öllum sem hafa áhuga á að læra nýjar leiðir til að takast á við sjálfa sig og áskoranir í lífinu.

Nánar um kennara

Hjördís Inga Guðmundsdóttir hefur sérhæft sig í einstaklingsmeðferð fullorðinna. Hefur hún unnið umtalsvert með kvíða, þunglyndi, áráttu og þráhyggju og áfallastreitu. Hjördís var í nokkur ár verkefnastjóri áfallahjálpar hjá Rauða krossinum á Íslandi. Vann einnig á Heilsugæslunni Sólvangi frá 2018-2022 og hefur rekið sína eigin stofu frá því 2013. Frá því að hún hóf störf hefur Hjördís haldið ótal námskeið og fyrirlestra um fjölda viðfangsefna (t.d. almennt HAM námskeið, sálrænan stuðning, Klókir krakkar, Streitueinkenni og kulnun, o.s.frv.)

Hjördís Inga hefur lokið sérmenntun í hugrænni atferlismeðferð, ACT (acceptance and commitment therapy) og hugrænni úrvinnslumeðferð. Hjördís lauk B.Sc. gráðu í sálfræði frá Háskóla Íslands árið 2009, diploma í Alþjóða samskiptum frá Háskóla Íslands árið 2009 og MSc í sálfræði frá Háskólanum í Árósum árið 2012. Árið 2019 lauk hún svo tveggja ára sérnámi í Hugrænni atferlismeðferð og á árunum 2020 og 2021 lauk hún tveimur viðbótarnámskeiðum í Acceptance and commitment therapy. Árið 2021 hlaut Hjördís titilinn Sérfræðingur í klínískri sálfræði fullorðinna frá Landlækni. Árið 2023 hóf Hjördís 2 ára sérfræðinám í ACT í Danmörku.

Aðrar upplýsingar

Engin tæki nauðsynleg en gott að mæta með skriffæri. Áhugasamir geta nálgast áhugaverð og stutt myndbönd með Dr. Russ Harris inni á youtube.com. Bók Harris hefur einnig komið út í íslenskri þýðingu undir titlinum Hamingjugildran. Einnig gætu áhugasamir haft áhuga á að kynna sér bókina „A liberated mind“ eftir Stephen C. Hayes (ekki krafa).

Námskeiðið hét áður Sálfræðilegur sveigjanleiki með ACT - Acceptance and Commitment Therapy.