Í samstarfi við Mála- og menningardeild við Hugvísindasvið HÍ

Unnið verður með alla færniþætti (talmál, lestur, hlustun og ritun) en þó verður sérstök áhersla á talmál og farið verður yfir mikilvæg málfræðiatriði.

Námskeiðið er kennt í 6 vikna lotu, tvisvar í viku, 80 mínútur í senn á þriðjudögum og fimmtudögum kl. 16:40 – 18:10 á tímabilinu 8. janúar til 15. febrúar.

Nemendum stendur einnig til boða að taka þátt í aukatíma þar sem sérstök áhersla verður lögð á framburðarþjálfun. Aukatímarnir verða á miðvikudögum kl. 17:30 – 18:10 í stofu (VHV-231).

Hæfniviðmið:
Þetta námskeið er framhald námskeiðsins POL103G Pólska fyrir byrjendur II og á þessu námskeiði munu nemendur:
• Halda áfram að auka hæfni sína í öllum færniþáttum með sérstaka áherslu á talmál
• Auka orðaforða sinn og málfræðikunnáttu.
• Læra að tjá sig um einföld málefni svo sem: uppruna, fjölskyldu, nám og vinnu, smekk, og lýsingar á hlutum og fólki (A2 skv. Evrópurammanum)

Námskeiðið er kennt á ensku.

Námskeiðið er kennt í samstarfi við ENDURMENNTUN HÍ en nemendur HÍ greiða ekki gjald fyrir þátttöku og er bent á að skrá sig í gegnum Uglu.

Sjá kennsluskrá hér.

Aðrar upplýsingar

Þátttakendum er bent á að hægt er að kaupa vinnubók námskeiðsins hjá Bóksölu stúdenta, Polski krok po kroku. Level 1, sjá hér.