Í samstarfi við Mála- og menningardeild við Hugvísindasvið HÍ

Athugið að námskeiðið gildir ekki til eininga í BA-námi í frönsku.

Lögð er jöfn áhersla á lestur, hlustun, ritun og talfærni. Farið verður yfir öll helstu grunnhugtök í franskri málfræði og nemendur fá tækifæri til að þjálfa sig í Tungumálamiðstöð Háskóla Íslands.

Námskeiðið er kennt í 6 vikna lotu, tvisvar í viku, 80 mínútur í senn á þriðjudögum og fimmtudögum á tímabilinu 30. ágúst til 6. október kl. 16:40 – 18:10 í Veröld – Húsi Vigdísar.

Hæfniviðmið:
Í lok námskeiðs hafa nemendur:
- Náð tökum á helsta orðaforða daglegs lífs og geti tjáð sig um sjálfa sig, fjölskyldu sína, áhugamál, starf, o.s.frv.
- Náð tökum á undirstöðuatriðum franskrar málfræði.
- Náð tökum á framburði.

Nemendur geta:
- Lesið einfalda texta af ýmsum toga á frönsku.
- Skilið einfalt hlustunarefni á frönsku.
- Ritað einfaldan texta á frönsku.

Námskeiðið er kennt í samstarfi við ENDURMENNTUN HÍ en nemendur HÍ greiða ekki gjald fyrir þátttöku og er þeim bent á að skrá sig í gegnum Uglu.

Sjá kennsluskrá hér.

Aðrar upplýsingar

Þátttakendum er bent á að hægt er að kaupa kennslubækur námskeiðsins hjá Bóksölu stúdenta, Défi 1, Cahier d’exercices, Difusion 2016 og Défi 1, Livre de l’eleve, sjá hér.

Vinsamlegast athugið að þetta námskeið er einungis ætlað algerum byrjendum í frönsku. Þeim nemendum sem hafa einhvern grunn í frönsku er bent á framhaldsnámskeiðin Franska fyrir byrjendur II – IV.