Í samstarfi við Mála- og menningardeild við Hugvísindasvið HÍ

Meginmarkmið námskeiðsins er að gera nemendum kleift að taka þátt í einföldum samræðum á hindí og kynnast nokkrum þáttum úr menningu Indlands. Námskeiðið er tjáskiptamiðað og stuðst verður við fjölbreytt námsefni, m.a. hljóð-og myndefni.

Námskeiðið er kennt í 6 vikna lotu, tvisvar í viku, 80 mínútur í senn á þriðjudögum og fimmtudögum á tímabilinu 8. janúar til 15. febrúar kl. 16:40 – 18:10 í Veröld – Húsi Vigdísar.

Hæfniviðmið:
Í lok þessa námskeiðs hafa nemendur:
- kynnt sig á hindí og tekið þátt í einföldum samræðum
- þekkt vikudaga, tölur og liti
- þekkt og talað um nokkur þjóðartákn Indlands og mikilvægar hátíðir sem haldnar eru á Indlandi

Nemendur geta:
- skilið einfaldar samræður og leiðbeiningar á hindí.
- lesið stutta texta um kunnugleg efni og ritað einfalda texta á hindí.

Námskeiðið er kennt í samstarfi við ENDURMENNTUN HÍ en nemendur HÍ greiða ekki gjald fyrir þátttöku og er þeim bent á að skrá sig í gegnum Uglu.

Sjá kennsluskrá hér.

Aðrar upplýsingar

Þátttakendum er bent á að hægt er að kaupa vinnubók námskeiðsins hjá Bóksölu stúdenta, Complete Hindi Beginner to Intermediate Course: (Book and audio support) eftir Simon Weightman og Rupert Snell.