Sérstök áhersla verður lögð á þjálfun í að afla gagna til að skipuleggja ferðir um Ísland fyrir ólíka hópa ferðamanna, miðlun upplýsinga til ferðamanna og pistlagerð.

Á námskeiðinu er fjallað um

Ferðaleiðir í öllum landshlutum.

Ávinningur þinn

Að loknu námskeiði er gert ráð fyrir að þátttakendur geti:

Aflað gagna til að skipuleggja ferðir um Ísland fyrir ólíka hópa ferðamanna.
Aflað upplýsinga um mismunandi afþreyingarmöguleika hvers landssvæðis og sérkenni þess m.t.t. sögu, náttúru og samfélags.
Miðlað upplýsingum sem við eiga til ferðamanna á skilmerkilegan hátt.
Hannað á heildstæðan hátt pakkaferð um Ísland, þar sem notast er við kort og aðra myndræna framsetningu eins og við á.

Námsmat

Þátttakendur hafa val um að þreyta námsmat sem byggir á stuttum könnunum, pistlum og verkefnum. ATH. að námsmat getur teygt sig fram yfir lokadagsetningu námskeiðs. Með því að ljúka námsmati hefur þátttakandi möguleika á að fá námskeiðið metið inn í leiðsögunámi Endurmenntunar.

Fjarnám

Námskeiðið er bæði hægt að sækja í staðnámi og fjarnámi. Fyrirlestrar eru teknir upp og nemendur geta hlustað á upptökur þegar þeim hentar.

Fyrir hverja

Fyrir alla áhugasama um ferðaþjónustu og leiðsögn. Námskeiðið er tilvalið til endurmenntunar leiðsögumanna.