Fjallað verður um íslenska menningu og birtingarmyndir hennar frá upphafi fram á 21. öld. Þátttakendur munu fræðast um hversdagsmenningu þjóðarinnar í gegnum aldir, lifnaðarhætti hennar og efnismenningu og læra að skilja breytingarnar sem hafa átt sér stað. Leitast er við að skoða menninguna í öllum sínum birtingarmyndum án þess að einskorðast við einstök menningarsvið. Veitt er innsýn í bókmennta- og listasögu Íslands, rifjuð upp og dýpkuð þekking á ýmsum bókmenntagreinum sem og listgreinum á borð við myndlist, tónlist, byggingarlist, hönnun, leiklist, kvikmyndagerð og fleira.
Á námskeiðinu er fjallað um
Bókmennta- og listasögu Íslands. Íslenska dægurmenningu. Byggingarlist, þ.e. híbýli á Íslandi og þróun þeirra frá landnámi til loka 20. aldar. Þjóðsagnahefð á Íslandi. Alþýðumenning á Íslandi í fortíð og nútíð.
Ávinningur þinn
Þekking á efnismenningu Íslendinga og innsýn í varðveislu hennar, framsetningu og miðlun. Þekking á lykilatriðum bókmenntasögu á Íslandi. Þekking á íslenskri listasögu. Þekking á íslenskri dægurmenningu. Þekking á alþýðumenningu á Íslandi í fortíð og nútíð. Þekking á því hvernig menning hefur breyst og tekið á sig nýjar myndir í mismunandi samhengi. Þekking á því á hvernig margbreytileiki íslenskrar menningar birtist í umhverfinu og geti tengt saman atburði, sögur og arfleifð í frásagnir til ferðamanna.
Námsmat
Þátttakendur hafa val um að þreyta námsmat sem byggir á stuttum könnunum, pistlum og verkefnum. ATH. að námsmat getur teygt sig fram yfir lokadagsetningu námskeiðs. Með því að ljúka námsmati hefur þátttakandi möguleika á að fá námskeiðið metið inn í leiðsögunámi Endurmenntunar.
Fjarnám
Námskeiðið er bæði hægt að sækja í staðnámi og fjarnámi. Fyrirlestrar eru teknir upp og nemendur geta hlustað á upptökur þegar þeim hentar.
Fyrir hverja
Fyrir alla áhugasama um íslenska menningu og birtingarmyndir hennar frá upphafi fram á 21. öld. Námskeiðið er tilvalið til endurmenntunar leiðsögumanna.
Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Kannaðu málið HÉR.
<span class="fm-plan">Fjallað verður um íslenska menningu og birtingarmyndir hennar frá upphafi fram á 21. öld. Þátttakendur munu fræðast um hversdagsmenningu þjóðarinnar í gegnum aldir, lifnaðarhætti hennar og efnismenningu og læra að skilja breytingarnar sem hafa átt sér stað. Leitast er við að skoða menninguna í öllum sínum birtingarmyndum án þess að einskorðast við einstök menningarsvið. Veitt er innsýn í bókmennta- og listasögu Íslands, rifjuð upp og dýpkuð þekking á ýmsum bókmenntagreinum sem og listgreinum á borð við myndlist, tónlist, byggingarlist, hönnun, leiklist, kvikmyndagerð og fleira.</span>
24 klst. 
Til baka í yfirlit 
