Stað- og fjarnámskeið

Jarðfræði Íslands

- opið námskeið í leiðsögunámi

Skráning til og með 1. febrúar Verð 108.500 kr.

Þri. og fim. 1. - 22. feb. kl. 17:00 - 19:55 (7x)

21 klst.

Snæbjörn Guðmundsson, jarðfræðingur.

Endurmenntun, Dunhaga 7.

Námskeið

Farið verður yfir þau ferli sem hafa myndað og mótað Ísland í tímans rás út frá sjónarhóli innrænna og útrænna afla. Jafnframt er veðurfarssaga Íslands tekin fyrir sem og áhrif loftslagsbreytinga á myndunarsögu landsins. Einnig er veitt innsýn í íslenskar náttúruauðlindir og nýtingu þeirra (til dæmis jarðhita og vatnsaflsvirkjanir). Sérstök áhersla er lögð á sérkenni íslenskrar náttúru, þar á meðal afleiðingar einangrunar og þá umhverfisþætti sem áhrif hafa haft á mótun íslensks landslags og náttúrufars. Lögð er áhersla á jarðfræðilæsi þátttakenda með tengingu námsefnis við raunveruleg dæmi.

Á námskeiðinu er fjallað um

Uppruna Íslands - flekakenninguna og möttulstrókinn.
Berggrunn - berg og steindir.
Jarðgrunn - set, skriðuföll, ísaldaminjar og námur.
Vatn og ár - stöðuvötn, jökla og jarðhita.
Eldvirkni - eldstöðvakerfi og gossögu.
Jarðskjálfta - náttúruvá.
Landshlutajarðfræði.

Ávinningur þinn

Að loknu námskeiði er gert ráð fyrir að þátttakendur geti:
Tjáð sig um jarðfræðileg ferli með hugtökum jarðfræðinnar.
Fjallað á heildstæðan hátt um myndun og mótun Íslands og sett Ísland í alþjóðlegt jarðsögulegt samhengi.
Útskýrt samspil ráðandi ferla í myndun og mótun lands.
Fjallað um veðurfarssögu landsins og hvernig hún tengist mótun landsins sem og landfræðilegri legu þess.
Lesið í landið, tengt saman mismunandi umhverfisaðstæður og sett þær í landmótunarlegt samhengi.
Sett saman náttúruvænar ferðalýsingar.

Námsmat

Þátttakendur hafa val um að þreyta námsmat sem byggir á stuttum könnunum, pistlum og verkefnum. ATH. að námsmat getur teygt sig fram yfir lokadagsetningu námskeiðs. Með því að ljúka námsmati hefur þátttakandi möguleika á að fá námskeiðið metið inn í leiðsögunámi Endurmenntunar.

Fjarnám

Námskeiðið er bæði hægt að sækja í staðnámi og fjarnámi. Fyrirlestrar eru teknir upp og nemendur geta hlustað á upptökur þegar þeim hentar.

Fyrir hverja

Fyrir alla áhugasama um jarðfræði Íslands. Námskeiðið er tilvalið til endurmenntunar leiðsögumanna.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Jarðfræði Íslands

Verð

108500

<span class="fm-plan">Farið verður yfir þau ferli sem hafa myndað og mótað Ísland í tímans rás út frá sjónarhóli innrænna og útrænna afla. Jafnframt er veðurfarssaga Íslands tekin fyrir sem og áhrif loftslagsbreytinga á myndunarsögu landsins. Einnig er veitt innsýn í íslenskar náttúruauðlindir og nýtingu þeirra (til dæmis jarðhita og vatnsaflsvirkjanir). Sérstök áhersla er lögð á sérkenni íslenskrar náttúru, þar á meðal afleiðingar einangrunar og þá umhverfisþætti sem áhrif hafa haft á mótun íslensks landslags og náttúrufars. Lögð er áhersla á jarðfræðilæsi þátttakenda með tengingu námsefnis við raunveruleg dæmi.</span>