Upplýsingar vegna Covid-19 aðgengilegar hér

Stað- og fjarnámskeið

Lífríki Íslands

Skráning til og með 25. desember Verð 108.000 kr.
Nýtt

Þri. og fim. 4. jan. - 1. feb. kl. 17:00 - 19:55 (9x)

27 klst.

Upplýsingar um kennara verða birtar hér síðar.

Endurmenntun, Dunhaga 7. Námskeiðið fer einnig fram í rauntíma í fjarkennsluforritinu ZOOM.
Upplýsingar um þátttöku í ZOOM.

Námskeið

Fjallað verður um lífríki Íslands, uppruna, einkenni og sérstöðu.

Kynntir verða helstu flokkar plantna og kjörsvæði þeirra og fjallað um þróun gróðurfars hér á landi í gegnum jarðsögu landsins. Jafnframt verður rætt um hlutverk landhnignunar í gróðurfarssögu landsins og veitt innsýn í sögu landgræðslu og skógræktar. Enn fremur verður farið í ýmsar nytjar plantna til matar, lyfjagerðar eða annars. Fjallað verður um íslensk húsdýr, innflutning þeirra og nýtingu í gegnum aldirnar, sem og villt spendýr á og við landið, veiðar þeirra og nýtingu. Áhersla verður lögð á fuglalíf á Íslandi, tegundir og kjörsvæði, og helstu fiskistofna ásamt fiskveiðum og þróun þeirra. Fjallað verður um vatna- og sjávarlíffræði, mengun sjávar og sjávarnytjar. Helstu hópar villtra hryggdýra (fiskar, fuglar og spendýr) verða kynntir með tilliti til flokkunar og lífshátta með sérstaka áherslu á íslenskar tegundir. Þá verður einnig farið yfir sögu íslenskra húsdýra.

Á námskeiðinu er fjallað um

Saga lands og lífríkis.
Lífríki sjávar og ferskvatns.
Lífríki þurrkendis og staða íslenska lífríkisins - lífbreytileiki.
Fána Íslands, fuglar, spendýr, húsdýr, skordýr og skeldýr.
Flóra Íslands, plöntur, sveppir og fléttur.
Gróðursaga og gróðurlendi.
Landgræðsla og skógrækt, válistar og friðun.

Ávinningur þinn

Þekking á flóru og fánu Íslands.
Þekking á notagildi hinna ýmsu gróður- og dýrategunda í fortíð og nútíð.
Þekking á sérstöðu lífríkis Íslands og hvað það er sem skapar þessa sérstöðu.
Geta til að lesa landið og tengja saman mismunandi umhverfisaðstæður og setja þær í náttúrufræðilegt samhengi.

Námsmat

Þátttakendur hafa val um að þreyta námsmat sem byggir á stuttum könnunum, pistlum og verkefnum. Með því að ljúka námsmati hefur þátttakandi möguleika á að fá námskeiðið metið inn í leiðsögunámi Endurmenntunar.

Fjarnám

Námskeiðið er bæði hægt að sækja í staðnámi og fjarnámi. Fyrirlestrar eru teknir upp og nemendur geta hlustað á upptökur þegar þeim hentar.

Fyrir hverja

Fyrir alla áhugasama um lífríki Íslands, flóru og fánu. Námskeiðið er tilvalið til endurmenntunar leiðsögumanna.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Lífríki Íslands

Verð
108000

<span class="fm-plan">Fjalla&eth; ver&eth;ur um l&iacute;fr&iacute;ki &Iacute;slands, uppruna, einkenni og s&eacute;rst&ouml;&eth;u. </span>