Á námskeiðinu er fjallað um grunnatriði í ítölsku og gefin innsýn í menningu Ítalíu. Einfaldir og markvissir kennsluhættir skila þátttakendum góðri kunnáttu á stuttum tíma sem nýtist vel við daglegar athafnir og í ferðalögum. Ekki er krafist neinnar forkunnáttu.

Á námskeiðinu er fjallað um

Grunnatriði í málfræði eins og setningarfræði, nafnorð, greinir, lýsingarorð og sagnorð.
Grunnatriði í ítalskri hljóðfræði og framburði.

Ávinningur þinn

Þú lærir að kynna þig og tala um sjálfan þig og áhugamál þín og spyrja á ítölsku: hvað heitir þú, hvaðan ertu, hvaða tungumál talar þú, hvar býrðu, hvað er starf þitt, hvað ertu gamall.
Þú lærir að spyrja um og lýsa stöðum og fólki, spyrja um merkingu orða.
Þú lærir að nota ítölsku á ferðalagi um Ítalíu til að geta átt samskipti við heimamenn á kaffihúsi eða veitingastað.

Nánar um kennara

Maurizio Tani hefur verið stundakennari við HÍ síðan 2001 og hefur langa reynslu af því að kenna ítölsku. Hann er með MA í menningarfræði, BA í ítölskum málvísindum og menningu og einnig er hann með diplómu í ítölskum kennslufræðum. Hann hefur gefið út margar rannsóknir og bækur.