Í samstarfi við Staðlaráð Íslands

Markmið námskeiðsins er að þátttakendur geti gert grein fyrir uppbyggingu og samhengi staðalsins ISO/IEC 27701 og beitt honum á hagnýtan hátt við að uppfylla kröfur laga og reglna um vernd persónuupplýsinga.

Á námskeiðinu er fjallað um

Samhengi persónuverndarlaga og reglugerðarinnar og stýringa staðalsins.
Kröfur til stjórnunarkerfis um persónuvernd.
Stýringar sem hægt er að innleiða til að efla vernd persónuupplýsinga.
Leiðbeiningar um atriði sem skipta máli við innleiðingu stýringa.

Ávinningur þinn

Öðlast skilning á mikilvægi persónuverndar.
Aukin þekking og skilningur á ISO/IEC 27701:2019.
Dýpri skilningur á stýringum til að efla persónuvernd.

Fyrir hverja

Námskeiðið er ætlað þeim sem vilja vinna á skipulegan hátt við að uppfylla ákvæði persónuverndarlaga og almennu persónuverndarreglugerðar ESB, GDPR. Sérstaklega hagnýtt fyrir ábyrgðaraðila persónuupplýsinga hjá skipulagsheildum og einstökum rekstrareiningum þeirra.

Ath! Þekking á staðlinum ISO/IEC 27002 er til mikilla bóta. Æskilegur undanfari þessa námskeiðs er námskeiðið Stjórnun upplýsingaöryggis samkvæmt ISO/IEC 27001 og ISO/IEC 27002 - lykilatriði, uppbygging og notkun.

Nánar um kennara

Marinó G. Njálsson, tölvunarfræðingur og sérfræðingur í stjórnun upplýsingaöryggis og persónuverndar.

Aðrar upplýsingar

Námskeiðið verður í formi fyrirlestra og umræðna. Þátttakendur námskeiðs fá lesaðgang að staðlinum ISO/IEC 27701 á meðan námskeiði stendur. Einnig fá þátttakendur afslátt við kaup á staðlinum hjá Staðlaráði Íslands.