Markmið námskeiðsins er að auka sjálfstraust og færni stjórnenda með mannaforráð, m.a. til að leiða einstaklinga og teymi á hvetjandi og uppbyggilegan hátt til aukins árangurs. Að námskeiði loknu ættu þátttakendur að vera betur í stakk búnir til að nýta sér hagnýtar aðferðir mannauðsstjórnunar í starfi sem stjórnendur og stuðla að eigin starfsþróun í síbreytilegu starfsumhverfi.

Á námskeiðinu er fjallað um

Stjórnendahlutverkið.
Ráðningarferlið frá A til Ö.
Starfsmannasamtöl, hvatningu, frammistöðu og endurgjöf.
Starfsþróun.
Breytingastjórnun.
Erfið starfsmannamál.
Fjölbreytileiki á vinnustöðum.
Vinnustaðamenningu.
Samskipti og upplýsingaflæði.
Velferð á vinnustað.
Nýja starfsumhverfið – tækifæri og áskoranir.

Ávinningur þinn

Aukið öryggi í stjórnendahlutverkinu.
Aukin færni í ráðningum og nýliðamóttöku.
Færni til skilvirkari samskipta og til að takast á við erfið starfsmannamál.
Leikni í að efla liðsheild og stuðla að góðum starfsanda.
Færni í að leiða fjölbreytilegan starfshóp.
Færni í að stuðla að markvissri starfsþróun og leiða breytingar.

Fyrir hverja

Millistjórnendur og nýja stjórnendur sem vilja efla hæfni sína í mannauðsstjórnun.
Alla þá sem vilja tileinka sér fagleg vinnubrögð innan skipulagsheilda og stuðla að heilbrigðu og öflugu starfsumhverfi.
Námskeiðið er einkum sniðið að stjórnendum sem ekki hafa sérstaka menntun í mannauðsstjórnun og stjórnendum smærri fyrirtækja sem ekki eru með sérstaka mannauðsdeild.

Nánar um kennara

Kennarar eru þær Guðrún Jóhanna Guðmundsdóttir og Hildur Halldórsdóttir – sérfræðingar í mannauðsmálum og eigendur AUKI – mannauður og stjórnendaráðgjöf.

Auk þeirra sinna kennslu:

Brynjar Már Brynjólfsson, mannauðsstjóri Isavia.
Guðríður Sigurðardóttir, sérfræðingur í mannauðsmálum og einn eiganda Attentus.
Guðrún Margrét Eysteinsdóttir, lögfræðingur á mannauðssviði Háskóla Íslands.
Þóra Christiansen, aðjúnkt við Háskóla Íslands.
Þóra Þorgeirsdóttir, doktor í mannauðsstjórnun og lektor við Háskólann á Bifröst.

Aðrar upplýsingar

Námskeiðið byggir á fyrirlestrum, umræðum og verklegum æfingum. Hópvinna er unnin á kennsludögum og ekki er gert ráð fyrir að þátttakendur vinni í hópum á milli kennsludaga.
Á námskeiðinu er lögð áhersla á virka þátttöku og samtal milli þátttakenda. Þannig er stuðlað að auknum lærdómi og tengslamyndun.
Námskeiðið er án einkunna og eininga.
Þátttakendur fá aðgang að námsumsjónarkerfinu Canvas á meðan námskeiði stendur.