Á námskeiðinu verður farið yfir einfaldar aðferðir við að setja fram ferli á skýran máta með SIPOC greiningu. Þegar ferli hefur verið teiknað upp verður farið yfir hvernig bera má kennsl á sóun í ferlum og kenndar áhrifaríkar aðferðir við að gera umbætur á ferlum. Lögð verður áhersla á hagnýtar aðferðir og verklegar æfingar.

Á námskeiðinu er fjallað um

Inngang að ferlastjórnun.
Mismunandi aðferðir við ferlagreiningar.
Hvernig nota má umbótavinnustofur við greiningar og umbætur á ferlum.

Ávinningur þinn

Öðlast grunnfærni í því að mappa ferla með SIPOC.
Skilningur á ávinningi stöðlunar.
Að læra að bera kennsl á sóun í ferlum.
Að læra einfaldar aðferðir við að greina ferla, tækifæri til umbóta og ná samstöðu um umbótatækifæri sem í ferlunum felast.

Fyrir hverja

Þá sem vilja fá innsýn i greiningu ferla og hvernig má vinna að umbótum þeirra. Námskeiðið er ekki sett fram sem sérfræðinganámskeið og áhersla er lögð á hagnýta nálgun.

Nánar um kennara

Ásdís Kristinsdóttir vélaverkfræðingur og Margrét Edda Ragnarsdóttir rafmagnsverkfræðingur, eigendur og ráðgjafar hjá Gemba.