Staðnámskeið

Fyrirmyndar skjalastjórn

- aðferðir og hagnýt ráð
Afsláttur af námskeiðsgjaldi.
Snemmskráning til og með 5. október
Almennt verð 59.300 kr. 53.900 kr.

Ekki missa af spennandi námskeiðum! Skráðu þig á póstlista Endurmenntunar HÍ!

Þri. 15. og fim. 17. okt. kl. 9:00 - 12:00

6 klst.

Eva Ósk Ármannsdóttir, skjala- og upplýsingastjóri hjá FSRE, BA í upplýsingafræði og diplóma í jákvæðri sálfræði og Þorgerður Magnúsdóttir, gæðastjóri Varðar, MIS í upplýsingafræði og CIP vottuð.

Endurmenntun, Dunhaga 7.

Námskeið

Hver er tilgangurinn með góðri skjalastjórn, til hvers að eyða púðri í hana? Hvernig er hægt að viðhalda góðri skjalastjórn á vinnustöðum?

Á námskeiðinu verður fjallað um lagaumhverfi í skjalastjórn á Íslandi og hvernig skjalastjórn tengist mikilvægum málefnum á vinnustöðum eins og rekjanleika gagna og ákvarðana ásamt tengslum þekkingar og gæða og þekkingarstjórnunar. Jafnframt verður fjallað um mismunandi tegundir skjala og meðhöndlun þeirra sem og gerð eftirfarandi: skjalastefnu, skjalavistunaráætlunar, málalykils, skjalakerfis og lýsigagna. Auk þess verða rafræn skil tekin fyrir.

Á námskeiðinu er fjallað um

Greiningu gagna.
Innleiðingu og hönnun skjalakerfis. Kostir og gallar.
Þroskastig í skjalastjórn.
Mismunandi meðhöndlun skjala, s.s. tölvupóstur, pappír, teikningar, ljósmyndir, bækur og skýrslur.
Þekkingarstjórnun, þ.e.a.s. að þekking sé ekki falin hjá einstaka starfsmönnum.
Hlutverk héraðskjalasafna og Þjóðskjalasafns Íslands.
ISO 15489 alþjóðlegur staðall um skjalastjórn.
Rafræn skil, grisjun, skráning og pökkun og skjalageymslur

Ávinningur þinn

Hagnýt tæki og tól í skjalastjórn.
Innsýn í bestu starfsaðferðir við stjórnun þekkingar og gagna.
Ýmsum hjálpargögnum verður miðlað til þátttakenda.
Aukin þekking og skilningur á ISO/IEC 15489.

Fyrir hverja

Fyrir þá sem vinna með stjórnun gagna á sínum vinnustað, s.s. vistun, skráningu og pökkun. Ekki er gert ráð fyrir að þátttakendur hafi lokið formlegu námi í skjalastjórn.

Nánar um kennara

Eva Ósk Ármannsdóttir er skjala- og upplýsingastjóri hjá FSRE, BA í upplýsingafræði og diplóma í jákvæðri sálfræði. Hún hefur mikla reynslu í skjalastjórn hjá ríki og sveitarfélögum.

Þorgerður Magnúsdóttir er gæðastjóri Varðar, MIS í upplýsingafræði og CIP vottuð. Hún hefur umtalsverða reynslu af gæða- og skjalamálum í fjármálageiranum.

Aðrar upplýsingar

Námskeiðið byggist upp á fyrirlestrum, umræðum og léttri verkefnavinnu.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Fyrirmyndar skjalastjórn

Verð
59300

<span class="fm-plan">Hver er tilgangurinn me&eth; g&oacute;&eth;ri skjalastj&oacute;rn, til hvers a&eth; ey&eth;a p&uacute;&eth;ri &iacute; hana? Hvernig er h&aelig;gt a&eth; vi&eth;halda g&oacute;&eth;ri skjalastj&oacute;rn &aacute; vinnust&ouml;&eth;um?</span>