Á þessu námskeiði verða kynnt helstu hugtök á sviði geðlyfjafræði og hvernig þau nýtast þeim sem fá lyfjameðferð vegna geðrænna raskana. Sérstök áhersla er lögð á að nota nýjustu þekkingu innan geðlyfjafræðinnar fyrir notendur geðheilbrigðisþjónustunnar á mismunandi vettvangi.
Á námskeiðinu er fjallað um
Grunnhugtök á sviði geðlyfjafræði og meðhöndlun þeirra fyrir notanda sem fá meðferð vegna geðrænna raskana. Hvernig meta á rannsóknarniðurstöður til að ákvarða hversu viðeigandi ákveðnar viðbótarmeðferðir eru sem hluti af meðferðaráætlun notanda. Hvernig nýta má nýjustu þekkingu á geðlyfjafræði í samvinnu við þverfaglegt teymi ásamt notanda og fjölskyldu hans.
Ávinningur þinn
Verður færari um að taka þátt í samræðum um geðlyfjameðferð í þverfaglega teyminu. Öðlast aukinn skilning á geðlyfjameðferð skjólstæðinga þinna og færð heildrænni sýn á meðferðaráætlun þeirra. Aukin færni til að meta áhrif aukaverkana ólíkra geðlyfja og viðeigandi leiðir til að takast á við þær. Aukin þekking á gagnreyndri notkun geðlyfja í meðferð helstu geðrænna áskorana.
Fyrir hverja
Námskeiðið er einkum ætlað heilbrigðisfagfólki sem vinnur með notendum geðheilbrigðisþjónustunnar en ávísar ekki lyfjum sjálft.
Nánar um kennara
Dr. Gísli Kort Kristófersson er sérfræðingur í geðhjúkrun, prófessor við Háskólann á Akureyri, aðjúnkt við University of Minnesota og Háskóla Íslands. Gísli útskrifaðist úr hjúkrunarfræði frá HÍ árið 2004, með meistaragráðu í geðhjúkrun frá Minnesota háskóla 2008 og doktorsgráðu með áherslu á geðhjúkrun frá sama skóla árið 2012. Hann hefur starfað í geðheilbrigðisþjónustunni frá 2004, bæði á íslenskum og erlendum vettvangi, á legudeildum fullorðinna, BUGL og í þverfaglegum samfélagsteymum, einkastofu og göngudeildarþjónustu. Ásamt kennslu og fræðastörfum starfar Gísli sem sérfræðingur í geðhjúkrun á einkastofu og á SAk. Gísli hefur reynslu af ávísun lyfja frá Bandaríkjunum og hefur kennt geðlyfjafræði á framhaldsháskólastigi um árabil á Íslandi og Bandaríkjunum.
Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Kannaðu málið HÉR.
Þri. 16. og 23. apríl kl. 12:00 - 16:00
8 klst.
Dr. Gísli Kort Kristófersson, sérfræðingur í geðhjúkrun, pófessor við Háskólann á Akureyri, aðjúnkt við University of Minnesota og Háskóla Íslands
<span class="fm-plan">Á þessu námskeiði verða kynnt helstu hugtök á sviði geðlyfjafræði og hvernig þau nýtast þeim sem fá lyfjameðferð vegna geðrænna raskana. Sérstök áhersla er lögð á að nota nýjustu þekkingu innan geðlyfjafræðinnar fyrir notendur geðheilbrigðisþjónustunnar á mismunandi vettvangi.</span>
8 klst. 
Til baka í yfirlit 
