Á þessu stutta námskeiði er áhersla á fræðslu um forvarnir, einkenni og afleiðingar þeirra sem verða fyrir sálrænum áföllum. Fjallað er um helstu skilgreiningar, forvarnir, einkenni sem geta komið fram og líkamlegar, sálrænar og félagslegar afleiðingar. Skoðaðar eru þær leiðir sem einstaklingar geta valið til úrvinnslu og meðferðar. Fjallað er um áhrif sálrænna áfalla á samfélagið og leiðir sem stuðla að skilvirkari og árangursríkari þverfaglegri þjónustu. Skoðað er hvað fellst í áfallamiðaðri nálgun og þjónustu.

Á námskeiðinu er fjallað um

Skilgreiningar og einkenni áfalla.
Afleiðingar áfalla fyrir heilsufar og líðan.
Heildræna nálgun og viðbrögð við áföllum.
Áfallamiðaða þjónustu.

Ávinningur þinn

Þekkir skilgreiningar og einkenni hjá einstaklingum sem hafa orðið fyrir áföllum.
Þekkir afleiðingar áfalla fyrir heilsufar og líðan og getur þannig brugðist við í starfi og leik.
Veist hvernig á að nálgast einstaklinga eftir áföll og kannt rétt viðbrögð með heildrænni nálgun.
Þekkir ferli áfallamiðaðrar nálgunar og innleiðingar í kerfið.

Fyrir hverja

Heilbrigðisstarfsfólk, starfsfólk í skólum, viðbragðsaðila, starfsfólk í dómskerfinu.

Nánar um kennara

Dr. Sigrún Sigurðardóttir er prófessor við Háskólann á Akureyri. Hún er með doktorspróf í hjúkrunarfræði frá Háskóla Íslands. Sigrún hefur haldið fjölda fyrirlestra um áföll og ofbeldi, afleiðingar þess og úrræði.