Upplýsingar vegna Covid-19 aðgengilegar hér

Fjarnámskeið

Sjálfsmynd og líkamsmynd unglinga

- áhrifaþættir og breytingar
Afsláttur af námskeiðsgjaldi.
Snemmskráning til og með 26. október
Almennt verð 28.500 kr. 25.900 kr.
Nýtt

Fös. 5. nóv. kl. 13:00 - 17:00

4 klst.

Sólrún Ósk Lárusdóttir cand.psych

Námskeiðið fer fram í rauntíma í fjarkennsluforritinu ZOOM.

Námskeið

Á unglingsárunum verða miklar breytingar á sjálfsmynd og líkamsmynd. Á námskeiðinu verður farið í þá miklu mótun sem verður á sjálfsmynd og líkamsmynd unglinga og hvernig nærumhverfi hægt er að hafa jákvæð áhrif.

Á námskeiðinu verður fjallað um sjálfsmynd og líkamsmynd unglinga. Farið verður í þær miklu breytingar sem verða á unglingsárum, þætti sem móta sjálfsmyndina, áhrif samfélagsmiðla og þann kynjamun sem finna má á sjálfsmynd og líkamsmynd unglinga.
Góð sjálfs- og líkamsmynd hefur jákvæð áhrif á líðan og hegðun barna og unglinga. Rannsóknir sýna að góð sjálfsmynd getur verið verndandi þáttur í þroska barna og unglinga og minnkað líkur á þróun sumra geðraskana, áhættuhegðunar og ýmis konar neikvæðra þátta.
Á námskeiðinu verður fjallað um ýmsar leiðir til að efla sjálfs- og líkamsmynd unglinga sem geta gagnast bæði fagfólki og foreldrum.

Á námskeiðinu er fjallað um

Sjálfsmynd og líkamsmynd.
Mótun og breytingar á sjálfsmynd og líkamsmynd á unglingsárum.
Áhrif samfélagsmiðla.
Leiðir til að styrkja sjálfsmynd og líkamsmynd.

Ávinningur þinn

Aukin þekking á sjálfsmynd og líkamsmynd unglinga.
Aukinn skilningur á áhrifum sjálfsmyndar og líkamsmyndar á líðan og hegðun.
Að kynnast leiðum og æfingum til að bæta sjálfsmynd og líkamsmynd.

Fyrir hverja

Námskeiðið hentar öllum þeim sem starfa með börnum og unglingum, t.d. kennurum, námsráðgjöfum, skólahjúkrunarfræðingum og leiðbeinendum. Námskeiðið hentar einnig foreldrum barna og unglinga.

Nánar um kennara

Sólrún Ósk Lárusdóttir lauk cand.psych.gráðu frá Háskóla Íslands árið 2007. Hún starfar nú sem sálfræðingur á heilsugæslunni og vinnur mestmegnis með börnum, unglingum og foreldrum þeirra. Sólrún er einnig með diplóma í kennsluréttindum og hefur lagt stund á nám í náms- og starfsráðgjöf og kynfræði. Hún hefur haldið fjölmarga fyrirlestra og námskeið um líkamsmynd og verið í stjórn Samtaka um líkamsvirðingu til margra ára.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Sjálfsmynd og líkamsmynd unglinga

Verð
28500

<span class="fm-plan">&Aacute; unglings&aacute;runum ver&eth;a miklar breytingar &aacute; sj&aacute;lfsmynd og l&iacute;kamsmynd. &Aacute; n&aacute;mskei&eth;inu ver&eth;ur fari&eth; &iacute; &thorn;&aacute; miklu m&oacute;tun sem ver&eth;ur &aacute; sj&aacute;lfsmynd og l&iacute;kamsmynd unglinga og hvernig n&aelig;rumhverfi h&aelig;gt er a&eth; hafa j&aacute;kv&aelig;&eth; &aacute;hrif.</span>