Árangur stjórnenda byggir í auknum mæli á hæfni þeirra til að laða fram það besta í sínu fólki. Markþjálfun hefur fest sig í sessi sem öflug og áhrifarík aðferðafræði sem veitir stjórnendum verkfæri til að skapa skýrari sýn, meiri ábyrgð og öflugri árangur hjá teymum sínum.

Á þessu námskeiði læra stjórnendur að tileinka sér grunnþætti markþjálfunar og hvernig þeir geta nýtt þá í daglegu starfi. Þátttakendur munu öðlast skilning á hvernig öflug samtöl, virk hlustun og markvissar spurningar geta valdeflt starfsfólk, aukið sjálfstraust, ýtt undir frumkvæði og leyst úr læðingi leynda hæfileika innan vinnustaðarins.

Námskeiðið styrkir stjórnendur í að:

• Byggja upp og viðhalda trausti og opnum samskiptum í teymum
• Hvetja starfsfólk til aukinnar ábyrgðar og sjálfstæðrar hugsunar
• Leysa úr áskorunum með því að virkja visku og hæfileika teyma sinna
• Styrkja eigin leiðtogafærni með aukinni sjálfsþekkingu

Stjórnendur sem tileinka sér aðferðafræði markþjálfunar eru betur í stakk búnir til að skapa heilbrigða og jákvæða vinnustaðamenningu, draga úr streitu, og efla árangur sinn og starfsmanna sinna. Með markþjálfun öðlast þeir mikilvæga færni sem eykur skilvirkni og ánægju í starfi og styður við langtíma velgengni fyrirtækisins.

Á námskeiðinu er fjallað um

• Hvað er markþjálfun og hvað er hún ekki?
• Grunnstoðir markþjálfunar
• Markþjálfun vs. hefðbundin stjórnun
• Áhrifarík samskipti
• Hagnýtar aðferðir og verkfæri

Ávinningur þinn

• Ný þekking og hagnýt verkfæri
• Þú lærir að byggja upp og viðhalda trausti og árangursríkum samskiptum
• Leiðir til að hvetja starfsfólk til aukinnar ábyrgðar og sjálfstæðrar hugsunar
• Aðferðir til að leysa úr áskorunum með því að virkja visku og hæfileika starfsfólks
• Styrkir eigin stjórnunarstíl með aukinni sjálfsþekkingu

Kennslufyrirkomulag

Uppsetning námskeiðs:

• 3 klst. kennslustund: Farið í lykilþætti markþjálfunar og leiðir til að beita þeim í starfi.
• Á milli kennslustunda: Þátttakendur æfa sig í að beita þeim aðferðum sem þeir hafa lært. Hver þátttakandi fær eitt markþjálfunarsamtal með kennara á milli kennslustunda.
• 2 klst. kennslustund: Farið yfir hvernig gekk að beita þessum aðferðum. Farið dýpra í vissa þætti.

Fyrir hverja

Námskeiðið er fyrir stjórnendur sem vilja styrkja eigin leiðtogahæfni, læra nýjar aðferðir i stjórnun og ýta undir aukna ábyrgð og vöxt á vinnustaðnum.

Aðrar upplýsingar

Þátttakendur hafa aðgang að kennara meðan á námskeiði stendur og munu fá stuðning til að tileinka sér lærdóm námskeiðsins og innleiða hann í sín daglegu störf.

Þátttakendur fá einnig eitt markþjálfasamtal hver.

Nánar um kennara

Lella Erludóttir er PCC vottaður markþjálfi, stjórnendaþjálfi og mannauðsráðgjafi með fjölbreytta reynslu úr íslensku atvinnulífi. Hún er sérhæfð í starfstengdri markþjálfun og starfsráðgjöf með fólki sem vill kynnast eigin möguleikum og styrk, setja sér markmið, ná jafnvægi vinnu og einkalífs og bæta eigið líf.

Lella er sérleg áhugakona um loddaralíðan og brennur fyrir því að styðja fólk í að stiga inn í styrkleika sína og öðlast aukið sjálfstraust og styrk í starfi.