Viltu nútímavæða ferla og bregðast við hraðri þróun í tæknimálum og þjónustu? Finnst þér vanta aðferðir til að koma hugmyndum í framkvæmd – eða að ná betri árangri með færri tilraunum?

Á þessu námskeiði er fjallað um hvernig hægt er að nýta aðferðir hönnunarhugsunar (Design Thinking) til að:

• Leysa flókin vandamál eða áskoranir hraðar með notendamiðaðri nálgun
• Móta nýja ferla eða þjónustu
• Koma breytingum í verk sem fá hljómgrunn innan skipulagsheildarinnar

Hvað lærir þú?
Á námskeiðinu verður farið yfir hvernig hönnunarhugsun getur nýst til að hanna/endurhanna ferla eða þjónustu með skýra sýn á þarfir notenda. Þú færð praktísk verkfæri og æfingar til að:

• Greina þarfir notenda og hagaðila
• Kortleggja og greina ferla með notandann í brennidepli
• Skapa lausnir og meta þær markvisst
• Forgangsraða aðgerðum og þróa raunhæfa aðgerðaáætlun ("roadmap")

Ávinningur þinn

• Færni í að leiða hönnunarferli sem byggir á notendamiðuðum vinnubrögðum
• Innsýn í hvernig glæða má nýsköpun innan fyrirtækja og stofnana
• Innsýn í aðferðir hönnunarhugsunar við að stýra breytingum með samvinnu og sýnilegu virði
• Verkfæri sem nýtast við að halda árangursríkar vinnustofur
• Skilningur á því hvernig tækninýjungar og stafrænar lausnir geta bætt ferla og þjónustu

Fyrir hverja

Stjórnendur, sérfræðinga og þá sem vinna að umbótum, stafrænni umbreytingu, nýsköpun eða þróun þjónustu – hvort sem um ræðir fyrirtæki, opinbera aðila eða félagasamtök.

Nánar um kennara

Fjóla María Ágústsdóttir er stofnandi Fit4digital slf. og hefur víðtæka reynslu af breytingastjórnun og hönnunarhugsun. Hún lærði Design Thinking í London og digital transformation hjá Harvard Kennedy School. Hún hefur starfað sem stjórnendaráðgjafi, teymisstjóri og stjórnandi og hefur m.a. leitt verkefni hjá Stafrænu Íslandi og Capacent. Einnig hefur hún veitt ráðgjöf við endurhönnun fjölmargra opinberra ferla og innleitt lausnir sem hafa haft mikil áhrif á þjónustu og upplifun notenda.