Þetta námskeið er framhaldsnámskeið þar sem unnið er að uppbyggingu orðaforða um dagleg málefni og grunnatriði í málfræði sem koma nemendum lengra í daglegum samskiptum. Þetta á m.a. við um beygingu sagnorða í nútíð og þátíð, kyn nafnorða og fallbeygingu þeirra og orðaröð í setningum. Efnið byggist helst á orðaforða um daglegar athafnir, t.d. um heimili, fjölskyldu og menningu. Verkefni eru ýmist unnin í hópum, eins og skilningsverkefni, eða sem einstaklingsvinna, eins og ritunarverkefni og kynningar fyrir framan hópinn. Námskeiðið hentar bæði fyrir þá sem stefna á frekara nám í íslensku sem öðru máli og þá sem vilja sterkari grunn fyrir daglega notkun málsins.  

Námskeiðið hefst 2. júní og því lýkur 27. júní.

Hæfniviðmið:

• Nemendur skilji aðalatriði í stuttum, skýrum og einföldum textum.
• Nemendur geti sagt frá sjálfum sér og skýrt frá menningu sinni á einföldu máli.
• Nemendur geti skrifað einfalda texta um hversdagslega hluti, t.d. um fjölskyldu sína, vini, heimilislífi og fleira.
• Nemendur læri sjálfstæð vinnubrögð fyrir frekara nám í íslensku eftir að námskeiði lýkur.

Hæfniviðmiðin byggjast á Samevrópska matsrammanum fyrir tungumál: https://europass.cedefop.europa.eu/sites/default/files/cefr-is.pdf