Hvenær fóru Íslendingar að fjalla um metsölubækur og birta metsölulista? 

Og hvaða bækur hafa ratað á þá lista?

Á þessu námskeiði verður fjallað um sögu metsölubókarinnar og fimm metsölubækur frá ólíkum tímum lesnar og bornar saman.

Á námskeiðinu er fjallað um

• Markaðssetningu og vinsældir bóka.
• Þróun skáldskapar frá áttunda áratug 20. aldar fram til okkar tíma og samhengi hans við samfélagsþróun.
• Ólíka strauma í vinsældum bóka.

Ávinningur þinn

• Aukinn skilningur á bókmenntasögu.
• Aukinn skilningur á markaðssetningu bóka og hvað skapar vinsældir þeirra.
• Djúplestur á ólíkum skáldsögum.

Fyrir hverja

Fyrir öll sem eru áhugasöm um samfélag og skáldskap og langar að skilja hvort tveggja betur.

Aðrar upplýsingar

Ef þátttakendur vilja nota tímann fram að upphafi námskeiðs til undirbúnings þá verða eftirfarandi bækur teknar til sérstakrar skoðunar á námskeiðinu:

• Kristín Marja Baldursdóttir: Karitas án titils.
• Ólafur Jóhann Ólafsson: Höll minninganna.
• Arnaldur Indriðason: Mýrin og Grafarþögn.
• Silja Aðalsteinsdóttir og Bubbi Morthens: Bubbi.
• Ingólfur Margeirsson: Lífsjátning, endurminningar Guðmundu Elíasdóttur.

Nánar um kennara

Katrín Jakobsdóttir er með meistaragráðu í bókmenntum,  kennslureynslu á ólíkum skólastigum og tuttugu ára reynslu af stjórnmálastarfi.