Upplýsingar vegna Covid-19 aðgengilegar hér

Fjarnámskeið

TRAS - skráning á málþroska ungra barna

- réttindanámskeið
Verð 41.500 kr.
Aðeins 1 sæti laust

Mán. 1. nóv. kl. 13:00 - 16:00 og 22. nóv kl. 13:00 - 15:00

5 klst.

Ásthildur B. Snorradóttir og Björk Alfreðsdóttir

Námskeiðið fer fram í rauntíma í fjarkennsluforritinu ZOOM.
Upplýsingar um þátttöku í ZOOM.

Námskeið

Á námskeiðinu læra þátttakendur að skrá á einfaldan hátt yfirlit yfir málþroskaferli tveggja til fimm ára gamalla barna með því að fylla út skráningarlista. Spurningar á skráningarlistanum eru byggðar á niðurstöður rannsókna um þróun málþroska.

Góður málþroski skiptir miklu máli fyrir almennan þroska.
TRAS- efnið var þróað og samið af sérfræðingum í sérkennslu og talmeinafræði í Noregi og er skráningaraðferðin almennt notuð í leikskólum á Norðurlöndunum.

Á námskeiðinu er rætt um mikilvægi þess að leikskólakennarar og annað fagfólk fylgist vel með þróun málþroska og þátttakendur læra að skrá málþroska ungra barna út frá ákveðnum færnisviðum. Einnig er fjallað um helstu frávik í málþroska og ræddar eru hugmyndir um viðeigandi íhlutun og ráðgjöf til foreldra og forráðamanna.

Á námskeiðinu er fjallað um

Fræðin á bakvið TRAS -efnið.
Notkun TRAS - skráningalistans.
Tengsl málþroska, námsárangurs, hegðunar og líðan.
Skráningarblöð sem tilheyra TRAS og þátttakendur fá æfingu í notkun þeirra.
Hugmyndir um ráðgjöf og íhlutun.

Ávinningur þinn

Öðlast betri þekkingu á málþroska út frá ákveðnum málþáttum.
Getur unnið markvissar eftir hugmyndafræði snemmtækrar íhlutunar m.a. með því að hafa yfirsýn yfir hvaða börn, á mismunandi aldri, eru með frávik í málþroska.
Getur nýtt þér niðurstöður TRAS-skráningarlistans fyrir markvissa íhlutun í samvinnu við foreldra og aðra sérfræðinga ásamt því að meta árangur í málörvun og velja málörvunarefni við hæfi.
Getur gert þér betur grein fyrir hvenær æskilegt er að vísa börnum til talmeinafræðinga og annarra sérfræðinga. Verið færari í að veita íhlutun og ráðgjöf út frá eðli málþroskafrávika.

Fyrir hverja

Námskeiðið er ætlað leikskólakennurum, grunnskólakennurum, þroskaþjálfum, talmeinafræðingum, sálfræðingum og sérkennurum.
Þetta er réttindanámskeið og aðeins þeir sem hafa sótt þetta námskeið hafa leyfi til að nota TRAS skráningarlistann. Námskeiðið er kennt í tveimur hlutum.

Nánar um kennara

Ásthildur B. Snorradóttir er með sérkennarapróf og próf í talmeinafræði frá Noregi. Hún er einnig með meistaragráðu með áherslu á talmeinafræði frá Bandaríkjunum. Hún hefur skrifað margar greinar um snemmtæka íhlutun og undirbúning fyrir lestur. Ásthildur hefur áratuga reynslu af talþjálfun barna og ráðgjöf. Hún er höfundur fjölda kennslugagna í málörvun og vinsælla barnabóka um Bínu bálreiðu. Einnig er hún meðhöfundur að skimunarprófinu; Leið til læsis, Tölum saman-málörvunarkerfi, Ljáðu mér eyra- undirbúningur fyrir lestur og handbókinni: Snemmtæk íhlutun í málörvun tveggja til þriggja ára barna. Ásthildur starfar á Skólaskrifstofu Hafnarfjarðar og er ein af eigendum Talþjálfunar Reykjavíkur og hún er hluti af íslenska TRAS hópnum.

Björk Alfreðsdóttir er leik- og grunnskólakennari, hún lauk prófi í sérkennslufræðum /heyrnarkennari frá Statens Spesiallærerhögskole í Noregi. Björk er með B.Ed. í leikskólakennarafræðum og er í mastersnámi með áherslu á sérkennslufræði í Háskóla Íslands. Björk hefur um árabil starfað sem sérkennari í leik- og grunnskólum og sem ráðgjafi vegna sérkennslu. Hún starfar nú sem sérkennslufulltrúi á Skólaskrifstofu Hafnarfjarðar. Björk er í íslenska TRAS hópnum sem þýddi og staðfærði TRAS skráningarlistann.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

TRAS - skráning á málþroska ungra barna

Verð
41500

<span class="fm-plan">&Aacute; n&aacute;mskei&eth;inu l&aelig;ra &thorn;&aacute;tttakendur a&eth; skr&aacute; &aacute; einfaldan h&aacute;tt yfirlit yfir m&aacute;l&thorn;roskaferli tveggja til fimm &aacute;ra gamalla barna me&eth; &thorn;v&iacute; a&eth; fylla &uacute;t skr&aacute;ningarlista. Spurningar &aacute; skr&aacute;ningarlistanum eru bygg&eth;ar &aacute; ni&eth;urst&ouml;&eth;ur ranns&oacute;kna um &thorn;r&oacute;un m&aacute;l&thorn;roska.</span>