Á þessu einstaka og hagnýta 60 mínútna rafræna námskeiði fá foreldrar einfalt og áhrifaríkt verkfæri til að efla samskipti með börnum og öðrum fjölskyldumeðlimum. Þau efla traust og virðingu sem styrkir alla á heimilinu í að finna lausnamiðaða nálgun í samskiptum.

Lausnahringurinn er markviss samskiptaleið sem byggir á sjö lausnum sem efla sjálfsstjórn, virðingu fyrir mörkum og lausnamiðaða hugsun í samskiptum. Á námskeiðinu fá þátttakendur innsýn í hugmyndafræðina að baki Lausnahringnum og læra hvernig mætti beita henni í daglegu uppeldi. Lögð er áhersla á að tengja fræðin við raunverulegar aðstæður fjölskyldulífs og styðja foreldra og aðra uppalendur í því að leiða með jákvæðri fyrirmynd. 

Þátttakendur fá í hendur hagnýt verkfæri og æfingar sem styðja við samræður, tilfinningaskilning og valdeflingu allra á heimilinu.

Á námskeiðinu er fjallað um

• Lausnahringinn og hvernig hann nýtist í samskiptum heima.
• Lausnirnar sjö: skiptast á, stoppa, hjálpa, knúsa, fyrirgefa, vera með, stjórna sér.
• Farið yfir hvernig hægt er að útbúa einföld spil og myndir sem auðvelda tengingu við lausnir í samskiptum.
• Tækni sem byggir upp traust og valdeflingu í samskiptum við börnin, koma auga á og finna lausnir saman.

Ávinningur þinn

• Að skapa sameiginlegar samskiptareglur um mörk og lausnir.
• Að styrkja sjálfsstjórn og samskipti innan heimilisins.
• Að leiða með góðu fordæmi og finna eigin styrk sem uppalandi.
• Að öðlast verkfæri til að efla góð samskipti og öruggara fjölskyldulíf fyrir alla.

Fyrir hverja

Námskeiðið er ætlað foreldrum, forráðamönnum, fósturforeldrum og öðrum sem koma að uppeldi barna. Ömmur, afar og aðrir fjölskyldumeðlimir eru einnig hjartanlega velkomnir.

Aðrar upplýsingar

Þátttakendur fá send rafræn verkfæri til að nota heima, aðlöguð að aldri barna

• Spil og myndir með 7 lausnum Lausnahringsins.
• Veggmynd af Lausnahringnum til notkunar á heimili.
• Einfaldar æfingar sem hægt er að vinna með börnum eftir námskeiðið.
• Speglunarverkefni fyrir uppalendur sem styðja við sjálfsskoðun og styrkja áhrif foreldrahlutverksins.

Nánar um kennara

Arnrún María Magnúsdóttir er með yfir 20 ára reynslu af starfi í leikskóla, auk þess kenndi hún við Háskólann á Akureyri á leikskólakennarabraut. Hún er þekkt fyrir lausnamiðaða og hvetjandi nálgun í kennslu. Lausnahringurinn varð til í hennar umsjón í leikskóla. Hann er verkfæri sem stuðlar að bættum samskiptum með því að kenna fólki að setja og virða mörk.

Foreldrar lýsa Arnrúnu Maríu sem skýrum og áhugaverðum kennara sem kveiki áhuga og veiti þátttakendum praktísk verkfæri til að nýta í daglegu lífi og starfi. Arnrún María hefur haldið fjölda fyrirlestra og námskeið sem hafa fengið lof fyrir skýra framsetningu og áhrifaríka kennslu sem bætir samskipti.