Vilt þú viðhalda góðri skjalastjórn á þínum vinnustað? Í þessari vinnustofu gefst kostur á að spreyta sig á mikilvægum þáttum skjalastjórnunar. Teknar verða fyrir æfingar í gerð skjalastefnu, skjalavistunaráætlunar, málalykils og grisjunarheimilda, umsókn um rafræn skil og umsókn um afhendingu pappírsgagna til Þjóðskjalasafnins.

Á námskeiðinu er fjallað um

• Gerð skjalastefnu.
• Gerð skjalavistunaráætlunar.
• Gerð málalykils.
• Umsókn um grisjunarheimild.
• Umsókn um rafræn skil.
• Umsókn um afhendingu pappírsgagna.

Ávinningur þinn

• Þjálfun í framkvæmd ofangreindra atriða.
• Innsýn í bestu starfsaðferðir við gerð helstu grunnskjala í skjalastjórn.

Fyrir hverja

Fyrir þá sem vinna með stjórnun gagna á sínum vinnustað. Ekki er gert ráð fyrir að þátttakendur hafi lokið formlegu námi í skjalastjórn.

Vinnustofan er hugsuð fyrir þátttakendur sem áður hafa lokið námskeiðinu Fyrirmyndar skjalastjórn. Vinnustofan er þó sjálfstætt framhald og allir velkomnir.

Aðrar upplýsingar

Þátttakendur þurfa að mæta með fartölvu.

Þátttakendum gefst kostur á að senda inn beiðni um viðfangsefni, allt að viku fyrir vinnustofuna, hafi þeir óskir um að önnur umfjöllunarefni verði tekin fyrir en þau sem hér eru talin upp.

Námskeiðið byggist upp á umræðum og léttri en gagnlegri verkefnavinnu í  hópum sem og einstaklingsverkefnum.

Nánar um kennara

Eva Ósk Ármannsdóttir er sérfræðingur í skjalastjórn hjá Landsbankanum. Eva er með BA í upplýsingafræði og diplóma í jákvæðri sálfræði. Hún hefur mikla reynslu í skjalastjórn hjá ríki og sveitarfélögum.

Þorgerður Magnúsdóttir er gæðastjóri Varðar, MIS í upplýsingafræði og CIP vottuð. Hún hefur umtalsverða reynslu af gæða- og skjalamálum í fjármálageiranum.