Staðnámskeið

Lífsferill safngripa

Vantar þig aðstoð við nýskráningu inn á Mínar síður? Horfðu á leiðbeiningarmyndbandið!

Þri. 13. maí kl. 10:00 - 16:30

6 klst.

Ólöf Bjarnadóttir

Sigríður Þorgeirsdóttir

Þórir Ingvarsson

Endurmenntun Háskóla Íslands

Peningur 53.900 kr.
Snemmskráning til 3. maí. Almennt verð 59.300 kr.
Námskeið

Námskeið þar sem farið verður yfir lífsferil safngripa allt frá því að ákveðið er að taka grip inn í safnkost að mögulegri grisjun hans. Fjallað verður um aðfangastefnu, varðveislu gripa í safngeymslum og á sýningum. Meðhöndlun, flutning og útlán safngripa. Einnig verður fjallað um umhirðu safnkosts og grisjun hans.
 

Á námskeiðinu verður farið ítarlega yfir lífsferil safngripa, allt frá því að ákvörðun er tekin um að bæta grip við safnkostinn og þar til möguleg grisjun hans er metin. Fjallað verður um mikilvægi vel skilgreindrar aðfangastefnu og verklagsreglna við móttöku nýrra gripa, auk þess sem farið verður yfir helstu áskoranir og bestu starfshætti í varðveislu safngripa, bæði í safngeymslum og á sýningum. Þátttakendur munu fá innsýn í rétta meðhöndlun safngripa, hvernig tryggja má öryggi þeirra við flutning og hvernig útlán þeirra til annarra stofnana eða sýninga fara fram. 

Þá verður fjallað um umhirðu safnkosts og mikilvægi stöðugra aðstæðna og reglubundins eftirlits til að tryggja langtímavarðveislu gripa. Að lokum verður litið til grisjunar safnkosts, þar sem farið verður yfir ástæður, ferli og siðferðislegar hliðar grisjunar í samræmi við lög, viðurkennda faglega staðla og stefnu viðkomandi safns.

Á námskeiðinu er fjallað um

  • Söfnunarstefnu
  • Varðveislu
  • Útlán og flutning
  • Grisjun

Ávinningur þinn

  • Aukin þekking á faglegum vinnubrögðum við umhirðu safnkosts
  • Betri þekking á lagaumhverfi safna

Fyrir hverja

Námskeiðið er ætlað starfsfólki safna og öðrum sem sýsla með langtímavarðveislu gripa.

Nánar um kennara

Ólöf Bjarnadóttir er sérfræðingur í munasafni Þjóðminjasafnsins

Sigríður Þorgeirsdóttir er forvörður hjá Þjóðminjasafninu

Þórir Ingvarsson er forvörður hjá Þjóðminjasafninu

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Lífsferill safngripa

Verð
53900