Á þessu námskeiði er kennd sænska með sérstaka áherslu á tungumál sem notað er innan heilbrigðiskerfisins. Námið miðar að því að styrkja orðaforða, málnotkun og samskiptahæfni sem nýtist í daglegum störfum heilbrigðisstarfsfólks. 
Kennslan byggir á bókinni Medicinska texter, sem sameinar grunnatriði í anatomíu og sænskukennslu. Að auki eru notuð blöð og greinar um sjúkdóma, lyf og heilbrigðiskerfið, sem skapa raunhæft og hagnýtt samhengi fyrir námsefnið.

Lögð er sérstök áhersla á talað mál, samskiptavenjur og líflega þátttöku þátttakenda í tímum. Námskeiðið er ætlað þeim sem vilja efla færni sína í sænsku fyrir störf á heilbrigðissviði. 

Á námskeiðinu er fjallað um

• Sænsku með áherslu á tungumál innan heilbrigðiskerfisins
• Orðaforða og hugtök tengd anatómíu, sjúkdómum og lyfjum
• Talað mál og samskipti á sænsku í starfi innan heilbrigðisgeirans
• Hagnýtar aðstæður og samskiptavenjur innan heilbrigðisgeirans 

Ávinningur þinn

• Aukinn orðaforði og færni í sænsku sem tengist heilbrigðiskerfinu
• Betri hæfni til að eiga samskipti við samstarfsfólk og sjúklinga á sænsku
• Meira öryggi í daglegu starfi á heilbrigðissviði í Svíþjóð 

Fyrir hverja

Námskeiðið er ætlað læknum, unglæknum og öðru heilbrigðisstarfsfólki sem hyggur á framhaldsnám eða störf í Svíþjóð.

Nánar um kennara

Elísabet Brekkan, fil. cand, leikhúsfræðingur og kennari