Námskeiðið er fyrir alla sem vilja kynnast indverskri menningu og samfélagi.
Engrar forþekkingar er krafist.

Meginmarkmið námskeiðsins er að kynna félagslega  og menningarlega arfleifð Indlands fyrir nemendum. Í ljósi þess hve landið er fjölbreytt verður stiklað á stóru og áhersla lögð á Vedaritin, Upanisjadritin og Itihasa. Einnig munu nemendur kynnast undirliggjandi heimspeki jóga og kirjunar og hvernig það nýtist til sjálfseflingar og vellíðanar. Í þessu námskeiði verður fyrst og fremst stuðst við hljóð- og myndefni og viðfangsefnið verður nálgast á gagnvirkan hátt. Nemendum verður séð fyrir fjölbreyttu lesefni og glósum sem tengjast hverju viðfangsefni sérstaklega.

Viðfangsefni námskeiðsins:

• Vedaritin
• Bhagavad Gita textarnir
• Ramayana textarnir
• Jóga sem tæki til sjálfsþroska og sjálfseflingar
• Máttur þess að kirja
• Andagift og sjálfsefling

Námskeiðið er kennt í 6 vikna lotu á síðari hluta vormisseris, tvisvar í viku, á þriðjudögum og fimmtudögum, kl. 16:40 – 18:10 í Veröld - Húsi Vigdísar.

Hæfniviðmið:
Í lok námskeiðsins geta nemendur:

• Kynnt sér texta Veda og Upanishads, höfunda þeirra og borið þau saman
• Kynnt sér innihald og speki itihasa ásamt Ramayana, Mahabharata og Bhagavad Greeta
• Kynnt sér heimsspekina að baki jóga; Karma yog; Bhakti Yog
• Öðlast skilning á mætti þess að kirja

Námskeiðið er kennt á ensku.

Sjá kennsluskrá hér 

Aðrar upplýsingar

Ekki verður stuðst við kennslubók á þessu námskeiði heldur nota nemendur námsgögn sem kennari kemur með í tíma eða eru aðgengileg á vefnum.