Á námskeiðinu verður fjallað um starf sérkennslustjóra og rætt út frá helstu viðfangsefnum hvernig hægt er að auðvelda sér starfið með góðu skipulagi og aðstoð upplýsingatækninnar.
Námskeiðið verður bæði í formi fyrirlestra og vinnustofu. Gefið verður gott rými fyrir umræður þannig að þátttakendur geti skipst á hugmyndum og reynslu.

Markmiðið með námskeiðinu er að:

• Auka þekkingu og færni sérkennslustjóra.
• Kynna ýmis verkfæri til þess að auðvelda sér störfin.
• Kynna notkunarmöguleika upplýsingatækninnar.
• Þátttakendur kynnist tjáskiptaforritinu TD Snap.
• Þátttakendur geti spurt og fengið svör um flest það sem þeim liggur á hjarta.

Á námskeiðinu er fjallað um

• Starf sérkennslustjóra út frá helstu viðfangsefnum og hvernig hægt er að nýta upplýsingatækni til þess að gera sér vinnuna auðveldari.
• Hugmyndir til að leysa hin ýmsu viðfangsefni.
• Tjáskiptaforrit sem gagnast í málörvun með börnum sem ekki tjá sig með orðum eða þurfa stuðning við talað mál.
• Samfélagsmiðla sem gagnast vel til starfsþróunar.

Ávinningur þinn

• Þú verður margs vísari um ýmsar leiðir til þess að gera starf þitt auðveldara.
• Þú lærir á að koma þér upp ákveðnu ferli í starfi með aðstoð upplýsingatækni.
• Þú ferð af námskeiðinu með hugmyndir um það á hversu fjölbreyttan hátt er hægt að vinna starf sérkennslustjóra.

Fyrir hverja

Námskeiðið er ætlað sérkennslustjórum, óháð menntun viðkomandi.

Aðrar upplýsingar

Ef þátttakendur hafa aðgang að fartölvu eða iPad mega þeir gjarnan hafa það meðferðis á námskeiðið.

Nánar um kennara

Fjóla Þorvaldsdóttir sérkennari hefur áratuga reynslu sem sérkennslustjóri og er með framhaldsmenntun á sviði sérkennslu og upplýsingatækni.

Hanna Rún Eiríksdóttir er kennari í Klettaskóla. Hún hefur áralanga reynslu af kennslu nemenda með þroskahömlun í grunnskólum og sinnir nú einnig ráðgjöf varðandi tjáskipti og augnstýringu.