Á þessu námskeiði er farið dýpra í réttarlæknisfræði fyrir fagfólk og byggt ofan á þann grunn sem námskeiðið “Hagnýt réttarlæknisfræði fyrir fagfólk” veitti.

Dýpri könnun á réttarlæknisfræði fyrir fagfólk, með praktískum áherslum. Farið er yfir hvernig matsgerðir fyrir réttarkerfið eru unnar, skotáverkar eru skoðaðir nánar og farið yfir dauðaferlið á nákvæman hátt. Fjallað er um hvaða vandamál koma upp við rannsókn manndrápa og hvernig kennsl og skoðun krefjandi líkamsleifa fer fram.

Þess skal getið að kennari sýnir myndir til stuðnings máli sínu. Sumar hverjar þessara mynda sýna áverka á fólki og/eða látið fólk. Myndirnar geta vakið óhug.

Á námskeiðinu er fjallað um

• Praktísk nálgun ritunar réttarlæknisfræðilegra matsgerða fyrir réttarkerfið.
• Áverkafræði skotáverka.
• Dauðaferlið skoðað á dýptina.
• Manndráp og réttarlæknisfræðileg vandamál kynnt út frá tilfellum.
• Kennsl og réttarlæknisfræðileg rannsókn krefjandi líkamsleifa.

Ávinningur þinn

• Að kynnast grundvallaratriðum í ritun réttarlæknisfræðilegrar matsgerðar.
• Að kynnast áverkafræði skotáverka.
• Að kynnast réttarlæknisfræðilegum sjónarhóli á dauðaferli.
• Að kynnast því hvaða vandamál geta komið upp við rannsókn manndráps.
• Að kynnast helstu atriðum varðandi kennslavinnu og skoðun krefjandi líkamsleifa.

Fyrir hverja

Námskeiðið er ætlað þeim sem hafa lokið fyrra námskeiði “Hagnýt rétttarlæknisfræði fyrir fagfólk” hjá Endurmenntun Háskóla Íslands.

Nánar um kennara

Pétur Guðmann Guðmannsson er réttarlæknir sem starfað hefur við fagið í 9 ár, fyrst í Svíþjóð og síðar á Íslandi. Hann hefur komið að fjöldamörgum rannsóknum á manndrápum og ofbeldisverkum. Hann hefur sérstaklega rannsakað áverka á hálsi og banvænar árásir dýra. Pétur kennir réttarlæknisfræði og hjartameinafræði við læknadeild HÍ.