Hefur þú reynt að innleiða breytingar í þinni vinnu án árangurs? Langar þig að vita hvað brást í vegferðinni? Eða hefurðu bara gefist upp á breytingum?

Ef svo er, þá er þetta námskeið fyrir þig! Á námskeiðinu öðlast þátttakendur dýpri skilning á breytingastjórnun, innsýn í hvað ber að varast sem og aukna færni í að losa um hindranir sem geta komið upp í breytingaferlinu. Einnig öðlast þátttakendur aukna hæfni til að skilja betur áhrif menningar og mannlegra þátta þegar kemur að innleiðingum breytinga.

Á námskeiðinu er fjallað um

• Fyrirtækjamenningu og breytingastjórnun.
• Hagsmunaaðila í breytingastjórnun.
• Umbreytingahringinn.
• Að stýra breytingum til árangurs – hvað þarf til og hvað ber að varast?
• Hjartað í breytingum; fólkið!

Ávinningur þinn

• Góð þekking á helstu áhættum í breytingastjórnunarferlinu.
• Færni til að koma auga á hindranir og hvernig leysa má úr þeim.
• Aukin hæfni til að innleiða breytingar á árangursríkari hátt.
• Aukin færni í að meta og setja saman árangursrík teymi.
• Ýmis ráð, tæki og tól.

Fyrir hverja

Námskeiðið er fyrir öll þau sem hafa grunnþekkingu á breytingastjórnun og vilja byggja ofan á þekkingu sína eða þau sem hafa þegar nýtt aðferðarfræði breytingastjórnunar án árangurs.

Nánar um kennara

Björk Ben Ölversdóttir og Íris Dögg Kristmundsdóttir, eigendur og ráðgjafar hjá Mintos ehf.

Björk er tölvunarfræðingur ásamt því að hafa lokið vottuðu námi í verkefnastjórnun og starfar jafnframt sem núvitundarleiðbeinandi.

Íris er verkfræðingur með diplóma í kennslufræðum ásamt því að hafa lokið ICF vottuðu námi í markþjálfun. Báðar hafa þær áratuga reynslu af stjórnun, verkefnastýringu og innleiðingu á breytingum, m.a. í íslenska bankakerfinu og víðar.