Á þessu námskeiði verður farið yfir einn mikilvægasta þátt kvikmyndanna: Tónlistina.

Af hverju er tónlist undir þessu atriði en ekki hinu? Af hverju heyrist þessi laglína alltaf þegar þessi persóna birtist á skjánum? Hvað einkennir áhrifaríka kvikmyndatónlist? 

Stiklað verður á stóru um sögu kvikmyndatónlistar í aldanna rás, allt frá þöglum myndum 19. aldar yfir í Netflix-þætti dagsins í dag. Farið verður yfir starf og hlutverk kvikmyndatónskálda og verkefnin sem þau standa frammi fyrir í ferlinu.
Stærsti hluti námskeiðsins fer í að horfa saman á 1-2 kvikmyndir með tónlistina að leiðarljósi og ræða staðsetningu hennar, eðli og hlutverk. Með líflegum umræðum og skoðanaskiptum geta þátttakendur dýpkað skilning sinn á hlutverki og eðli kvikmyndatónlistar og þannig aukið upplifun sína af kvikmynda- og sjónvarpsglápi.

Á námskeiðinu er fjallað um

• Horft verður á 1-2 kvikmyndir og rýnt í kvikmyndatónlistina og notkun hennar.
• Sögu kvikmyndatónlistar.
• Kvikmyndatónsmíðaferlið; frá hugmynd að útgáfu.
• Hlutverk stefja og laglína fyrir persónur og framvindu sögunnar.
• Mikilvægi tímasetninga; hvenær á að hafa þögn og hvenær skal rjúfa hana.

Ávinningur þinn

• Aukinn skilningur á sögu og þróun kvikmyndatónlistar.
• Betri tilfinning fyrir hlutverki og mikilvægi tónlistar í kvikmyndum.
• Aukin vitneskja um starf kvikmyndatónskáldsins.
• Aukin ánægja af kvikmyndum og sjónvarpsþáttum.

Fyrir hverja

Allt áhugafólk um kvikmyndir og kvikmyndatónlist og öll þau sem vilja dýpka áhorfsupplifun sína með auknum skilningi á mikilvægi og hlutverki tónlistar í kvikmyndum og sjónvarpsþáttum. Engin þörf er á bakgrunni í tónlistar- eða kvikmyndabransanum, heldur er farið yfir efni frá sjónarhóli hins almenna áhorfanda.

Nánar um kennara

Einar Sv. Tryggvason er kvikmyndatónskáld með BA-gráðu í tónsmíðum frá Listaháskóla Íslands og Mmus gráðu í kvikmyndatónsmíðum frá Conservatorium van Amsterdam.
Á síðustu árum hefur Einar samið tónlist fyrir fjölda kvikmynda, sjónvarpsþátta, stuttmynda og auglýsinga og t.a.m. hlotið tilnefningu til Íslensku tónlistarverðlaunanna. Hann hefur einnig starfað um árabil sem stundakennari í kvikmyndatónlist við tónlistardeild Listaháskóla Íslands.