Lærðu að nýta þér gagnagrunna og skjalasöfn á netinu til að afla upplýsinga um sögu fjölskyldu þinnar allt að 200 ár aftur í tímann. Berðu upplýsingarnar saman við lýsingar sagnfræðinga og annarra á lífskjörum og möguleikum almennings til að takast á við fátækt, barnadauða, vistarbönd, farsóttir og harðindi. Þínu fólki tókst það – annars værir þú ekki hér.

Á námskeiðinu er fjallað um hvernig tölvan er notuð við gagnaleitina og gefin eru hagnýt ráð til að bregðast við villum og veikleikum í gagnasöfnunum.

Sérfróður gestur á sviði ættfræði kemur í heimsókn á námskeiðið.

Á námskeiðinu er fjallað um

• Aðferðir til að leita og greina þær upplýsingar sem fá má úr sístækkandi gagnasöfnum á netinu.
• Sögu og einkenni íslensks samfélags á 19. og 20. öld til að varpa ljósi á þær upplýsingar sem þátttakendur finna um ættingja sína.
• Aðferðir ættfræðinga og sagnfræðinga sem hafa lagt áherslu á fjölskyldusögu.

Ávinningur þinn

• Þú getur gert þér skýrari mynd en áður af sögu forfeðra þinna.
• Ný vitneskja eykur skilning þinn á því hvernig líf forfeðra þinna hafði áhrif á líf þitt og möguleika.

Fyrir hverja

Námskeiðið er ætlað öllum sem vilja fræðast um sögu forfeðra sinna með eigin grúski.

Aðrar upplýsingar

Þátttakendur fá leiðbeiningar, æfingaverkefni og fróðlegar greinar í námskeiðsgögnum.

Nánar um kennara

Stefán Halldórsson er félagsfræðingur og rekstrarhagfræðingur að mennt. Hann hefur m.a. starfað sem blaðamaður, kennari, á fjármálamarkaði og í seinni tíð einnig við ritstörf og bókaútgáfu. Hann hefur kennt á námskeiðum hjá Endurmenntun HÍ sem og í innlendum og erlendum háskólum.