Valmynd
Vantar þig aðstoð við nýskráningu inn á Mínar síður? Horfðu á leiðbeiningarmyndbandið!
Þri. og fim. 18. feb. - 6. mars kl. 17:15 - 19:15 (6x)
12 klst.Francesca Cricelli
Endurmenntun Háskóla Íslands
Langar þig að læra tungumál sem talað er af 280 milljón einstaklingum í níu löndum og fjórum heimsálfum! Tungumál þeirra Fernando Pessoa, Caetano Veloso, Salvador Sobral og… jú! Villa Neto og Pedro Gunnlaugs Garcia? Já, langar þig til að tala portúgölsku?
Á námskeiðinu er fjallað um grunnatriði í portúgölsku og gefin innsýn í menningu portúgölskumælandi þjóða. Einfaldir og markvissir kennsluhættir skila þátttakendum góðri kunnáttu á stuttum tíma sem nýtist vel við daglegar athafnir og í ferðalögum. Ekki er krafist neinnar forkunnáttu. Námskeiðið er fyrir byrjendur en gengið er út frá þeirri staðreynd að margir Íslendingar hafa grunnþekkingu í spænsku sem er náskyld tungumál portúgölsku. Á námskeiðinu er jafnframt fjallað um menningu portúgölskumælandi þjóða með áherslu á tónlist, kvikmyndir, myndlist og bókmenntir.
Námskeiðið er fyrir öll áhugasöm en hentar einkum þeim sem hafa lært spænsku og vilja bæta við sig kunnáttu í öðru rómönsku tungumáli.
Francesca Cricelli er skáld, þýðandi og doktor í bókmennta- og þýðingarfræði við Háskólann í São Paulo (USP) og hefur langa reynslu af því að kenna portúgölsku sem annað mál. Hún hefur gefið út margar bækur í Brasilíu og á Ítalíu en einnig á Íslandi.
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.