Námskeiðið hentar þeim sem lokið hafa Spænsku I og Spænsku II eða hafa sambærilega þekkingu á spænsku máli. Unnið verður með alla færniþætti (talmál, lestur, hlustun og ritun) en þó verður sérstök áhersla á talmál.

Í lok námskeiðs ættu þátttakendur að geta tjáð sig í rituðu og mæltu máli um kunnugleg málefni sem tengjast daglegu lífi og ferðalögum í spænskumælandi löndum.

Á námskeiðinu er fjallað um

• Helstu málfræðiatriði spænskunnar.
• Hagnýtan orðaforða sem nýtist í daglegu lífi og ferðum um hinn spænskumælandi heim.
• Menningu spænskumælandi landa.

Ávinningur þinn

• Aukin geta til að tjá sig á spænsku, sérstaklega í töluðu máli.
• Að geta tjáð sig í ræðu og riti um kunnugleg málefni sem tengjast daglegu lífi og ferðalögum.
• Að geta skilið samtöl á spænsku um kunnuleg málefni.

Fyrir hverja

Námskeiðið er fyrir öll þau sem lokið hafa Spænsku II eða hafa sambærilega þekkingu á tungumálinu. 

Aðrar upplýsingar

Í námskeiðinu er unnið á tölvu í tímum og þurfa þátttakendur að hafa tölvu meðferðis.

Nánar um kennara

Svanhildur Guðmundsdóttir er með BA-gráðu í spænsku og diplóma í kennslufræði erlendra tungumála frá Háskóla Íslands. Svanhildur hefur kennt spænsku um áratug, meðal annars í Framhaldsskólanum í Mosfellsbæ.