Til eru yfir 200 mismunandi gigtarsjúkdómar en stór hluti þeirra er talinn vera tilkominn vegna sjálfsofnæmis. Aukin þekking á gigtarsjúkdómum hefur leitt til greiningar fyrr í sjúkdómsferlinu og betri meðferðar.

Á námskeiðinu verður fjallað um algenga gigtarsjúkdóma með áherslu á  iktsýki, rauða úlfa, sóragigt, hrygggikt, fjölvöðvagigt og þvagsýrugigt. Þetta eru langvinnir sjúkdómar sem hafa áhrif á daglegt líf fólks, vinnugetu og andlega líðan. Tengsl eru á milli bólgusjúkdóma og aukinnar áhættu á ýmsum sjúkdómum t.d. hjarta- og æðasjúkdómum og beinþynningu. Farið verður ofan í ýmis einkenni gigtarsjúkdóma og hvað hægt sé að gera til að koma í veg fyrir skaða á liðum og líffærum. Einnig verður fjallað um helstu lyf sem notuð eru við þessum sjúkdómum.

Á námskeiðinu er fjallað um

• Orsakir gigtarsjúkdóma.
• Mismunandi einkenni gigtarsjúkdóma.
• Hvað einstaklingur með gigtarsjúkdóm getur sjálfur gert til að bæta heilsu sína.
• Farið verður yfir hvaða meðferðir eru í boði fyrir gigtarsjúkdóma.

Ávinningur þinn

• Skilningur á orsökum gigtarsjúkdóma.
• Þekking á einkennum gigtarsjúkdóma.
• Innsýn inn í meðferðarmöguleika í gigtarsjúkdómum.
• Þekking á lífsstílsbreytingum sem mælt er með fyrir gigtarsjúklinga.

Fyrir hverja

Námskeiðið er fyrir almenning.

Nánar um kennara

Dr. Katrín Þórarinsdóttir, PhD sérfræðingur í gigtlækningum. Hún er yfirlæknir gigtlækninga á Landspítala og kennari við Læknadeild Háskóla Íslands. Gerður Gröndal dósent og sérfræðingur í lyf- og gigtlækningum.