Sjálfskaða- og sjálfsvígshegðun unglinga er ört vaxandi vandi. Hegðunin veldur spennu og álagi í fjölskyldum, unglingasamfélögum og hjá þeim sem starfa með unglingum. Ástæðan er m.a. sú að erfitt getur verið að greina á milli sjálfskaðahegðunar og sjálfsvígshegðunar.
 

Sjálfskaða- og sjálfvígshugsanir og hegðun er algengari hjá unglingum en fullorðnum m.a. vegna aldurs-, þroska-, og aðstæðutengdra áhrifaþátta. Þar sem sjálfskaða- og sjálfsvígshegðun er nokkuð algeng meðal unglinga er gott fyrir foreldra að hafa þekkingu á einkennum, ástæðum og hvernig best er að bregðast við miðað við þá þekkingu sem er til í dag.

Á námskeiðinu er fjallað um

• Skilgreiningar á sjálfskaða- og sjálfsvígshegðun, algengi og tilgangi.
• Áhættuþætti og verndandi þætti fyrir sjálfskaðahegðun.
• Hvaða áhrif getur sjálfskaða- og sjálfsvígshegðun  haft á foreldra og fjölskyldur.
• Gagnleg og ógagnleg viðbrögð foreldra, fagfólks og þeirra sem starfa með börnum.
• Hvaða meðferðir lofa góðu varðandi árangur.

Ávinningur þinn

• Þekking á hugtökum, einkennum, áhrifum, áhættuþáttum og tilgangi sjálfskaða- og sjálfsvígshegðunar.
• Að vita hvernig hægt er að bregðast við í aðstæðum þegar sjálfskaða- og sjálfsvígshegðun er til staðar.

Fyrir hverja

Námskeiðið er ætlað foreldrum og aðstandendum barna og unglinga sem vilja auka þekkingu sína á viðfangsefninu.

Nánar um kennara

Kristín Inga Grímsdóttir, sérfræðingur í barna- og unglingageðhjúkrun. Starfar á göngudeild BUGL og á heilsugæslu höfuðborgarsvæðisins. Hún hefur verið með svipað námskeið sem ætlað er fagfólki í Endurmenntun HÍ yfir nokkurra ára skeið. Ásamt því hefur hún kennt efnið í hjúkrunarfræðideild HÍ og HA, þá hefur hún haldið fjölda fyrirlestra og námskeið um efnið bæði á ráðstefnum og fyrir fagfólk sem vinnur með börn og unglinga.