Námskeiðið er ætlað byrjendum í japönsku og byggist upp á hnitmiðuðum tímum sem gefa góða innsýn í japanska tungu. Japanska hefur þrjár tegundir af bókstöfum; hiragana, katakana og kanji. Japönsku hljóðstafrófin „hiragana“ og „katakana“ eru kynnt og fyrstu skrefin tekin í ritun og lestri „hiragana“. Farið er yfir undirstöðuatriði í málfræði. Þjálfun í framburði og orðaforði byggður upp með einföldum textum og samtölum.
 

Athugið að kennsla fer fram á íslensku og ensku.

Á námskeiðinu er fjallað um

• Hljóðstafrófin „hiragana“ og „katakana“.
• Fyrstu skrefin í ritun og lestri „hiragana“.
• Undirstöðuatriði í málfræði.
• Þjálfun í framburði og orðaforða.

Ávinningur þinn

• Geta til að taka þátt í einföldum samræðum um afmarkað efni, s.s. að kynna sig og fjölskyldu sína.
• Geta til að eiga einföld samskipti. Orðasambönd og setningar til að geta beðið um matvöru í búð eða á veitingastað.
• Geta til að skrifa stutta texta með Hiragana.
• Geta til að lesið Hiragana og skrifa nöfn með katakana.

Fyrir hverja

Öll sem hafa áhuga á að læra japönsku.

Nánar um kennara

Nökkvi Jarl Bjarnason er með BA-gráðu í japönsku máli og menningu ásamt því að hafa lokið JLPT N1 stigsprófi í tungumálinu. Um er að ræða hæsta stig hæfnisprófs sem er ætlað að meta japönskukunnáttu fólks sem lærir japönsku ekki sem móðurmál. Hann starfar nú sem framhaldsskólakennari ásamt því að kenna japönsku sem stundakennari við Háskóla Íslands og leggja stund á doktorsnám í menningarfræði þar sem rannsóknir hans snúast oftar en ekki um japanska tölvuleiki og menningu. 

Nökkvi hefur kennsluréttindi í japönsku á framhaldsskólastigi og hefur mikinn áhuga á að heimfæra japönskukennslu fyrir íslenskar aðstæður.