Viltu ná forskoti í samskiptafærni? Viltu auka árangur þinn og öryggi þegar kemur að samskiptum, jafnvel við krefjandi aðstæður? Hér er um stutt en hnitmiðað námskeið að ræða þar sem tekin verða fyrir þau lykilatriði sem gera fólki kleift að ná hámarksárangri í samskiptum.
 

Samfélagið og atvinnumarkaðurinn gerir sífellt auknar kröfur til fólks um leikni í mannlegum samskiptum. Þetta námskeið er hugsað fyrir þá sem vilja auka þekkingu sína og færni á því sviði. Farið verður yfir þau atriði sem einkenna jákvæð og árangursrík samskipti og hvernig unnt er að takast á við krefjandi einstaklinga með farsælum hætti þrátt fyrir ólíkar þarfir þeirra og framkomu. Fjallað verður m.a. um samtalstækni, virka hlustun, listina að gagnrýna og aðferðir til að leysa ágreining.
 

Námskeiðið byggist á fyrirlestri, umræðum og léttum æfingum.

Á námskeiðinu er fjallað um

• Samtalstækni og framkomu.
• Virka hlustun.
• Endurgjöf (gagnrýni/hrós).
• Krefjandi einstaklinga/samskipti.

Ávinningur þinn

• Betri samtalstækni og lipurð í samskiptum.
• Aukið öryggi í framkomu.
• Virkari hlustun.
• Öflugra sjálfstraust.

Fyrir hverja

Fyrir alla þá sem vilja ná forskoti í samskiptaleikni.

Nánar um kennara

Jóhann Ingi Gunnarsson, sálfræðingur, og Bragi Sæmundsson, sálfræðingur og kennari.