Hvernig er hægt að stuðla að vellíðan fólks á vinnustað og auðvelda einstaklingum að ná árangri?

Á þessu námskeiði skoðum við líðan, heilsu og öryggi starfsfólks út frá fræðum gæðastjórnunar og vinnuverndar. Rætt er um félagslega og sálræna þætti sem og vinnuaðstöðu. Mikilvægi hæfni einstaklinga og hvernig henni er viðhaldið. Viðhorf starfsfólks til sinna daglegu starfa og umhverfis síns leggur grunn að góðri starfsemi skipulagsheilda. Göngum glöð til starfa alla daga í góðu og öruggu vinnuumhverfi.

Á námskeiðinu er fjallað um

• Hvað er góður vinnustaður í gæðastjórnunarfræðum?
• Heilsu – Öryggi - Umhverfi.
• Viðhorf starfsfólks.
• Skýrar starfslýsingar.
• Að þekkja hlutverk sitt, að þekkja hlutverk annarra.

Ávinningur þinn

• Kynnist nálgun gæðastjórnunar á mannlega þættinum á vinnustöðum.
• Öðlast innsýn inn í vinnuverndarhugsun.

Fyrir hverja

Alla sem eru hluti af vinnustöðum landsins, sérstaklega áhugavert fyrir vinnustaði þar sem nú þegar er verið að vinna samkvæmt hugmyndafræði gæðastjórnunar og / eða standa fyrir vinnuverndarstarfi. Nytsamlegt fyrir gæðastjóra, öryggisstjóra, mannauðsstjóra og stjórnendur sem eru að hlúa að góðri vinnustaðamenningu, ýta undir gleði og góða samvinnu.

Aðrar upplýsingar

Námsefni: Stuðst verður við viðeigandi kafla í ISO 9001 Gæðastjórnunarkerfi - kröfur sem og efni frá Vinnueftirliti ríkisins. Bent á fróðleik á netinu. Dæmi tekin úr atvinnulífinu.

Nánar um kennara

Guðrún Ólafsdóttir M.Sc. viðskiptafræði, gæðastjóri með sterka öryggisvitund, sem kemur daglega að ýmsu sem snertir líðan og viðhorf starfsfólks, þvert á starfssvið og deildir.