Góð og uppbyggjandi vinnustaðamenning er grunnur að vellíðan í starfi. Jákvæð vinnustaðamenning getur haft mikil áhrif á starfsánægju, helgun og þar af leiðandi betri frammistöðu fyrirtækja og stofnana. Jákvæð menning á vinnustað spilar stærstan þátt í því að halda í gott starfsfólk.

Á þessu námskeiði verður fjallað um mikilvægi uppbyggjandi vinnustaðamenningar og leitast við að skapa meðvitund um það hvernig hver og einn getur haft áhrif á þróun hennar.

Um lifandi kennslu er að ræða þar sem þátttakendur taka virkan þátt í námskeiðinu. Kennslufyrirkomulag er blanda af æfingum, dæmum og umræðum.

Á námskeiðinu er fjallað um

• Hvað er vinnustaðamenning?
• Hvað einkennir góða vinnustaðamenningu?
• Hvað getur hver og einn starfsmaður gert til að efla vinnustaðamenningu?
• Hvað segja rannsóknir um vinnustaðamenningu?

Ávinningur þinn

• Þekking og meðvitund um mikilvægi vinnustaðamenningar.
• Betri frammistaða fyrirtækis/stofnunar.
• Liður í að auka starfsánægju.
• Betri stjórnun.

Fyrir hverja

Námskeiðið er fyrir stjórnendur og öll þau sem vilja hafa jákvæð áhrif á vinnustaðamenninguna á sínum vinnustað.

Nánar um kennara

Guðrún og Hildur reka fyrirtækið AUKI - mannauður og stjórnendaráðgjöf með það að markmiði að hjálpa fyrirtækjum og stofnunum að efla sig í mannauðsmálum.

Guðrún Jóhanna Guðmundsdóttir er með MA í Human Resource Management frá University of Westminster. Guðrún starfaði áður sem sérfræðingur í mannauðsmálum hjá fjármála- og efnahagsráðuneytinu. Hún hefur unnið sem ráðgjafi í mannauðsmálum og var starfsmannastjóri og sviðsstjóri starfsmannasviðs Háskóla Íslands á árunum 2002 - 2015 en starfaði áður hjá Baugi sem verkefnisstjóri og sérfræðingur í mannauðsmálum.

Hildur Halldórsdóttir er með MA í mannauðsstjórnun og BA í sálfræði frá Háskóla Íslands. Hildur starfaði áður sem mannauðsstjóri Þjóðminjasafns Íslands og var verkefnastjóri á starfsmannasviði Háskóla Íslands á árunum 2007-2016. Þá hefur Hildur starfað við markaðs- og kynningarmál, m.a. hjá ÍMARK og Stöð 2. Hildur er ACC vottaður markþjálfi.