Margir töldu mikla hættu á þriðju heimsstyrjöldinni í kalda stríðinu milli Sovétríkjanna og Bandaríkjanna en hversu mikil var hún í raun og veru? Hvenær var hættan mest? Hvað vakti fyrir hvoru stórveldi um sig?

Á þessu námskeiði kafar Illugi Jökulsson ofan í kalda stríðið, fer yfir hvað gekk á og hvort því lauk einhvern tímann í raun og veru. Fjallað er um eftirköst heimsstyrjaldarinnar og farið vel yfir framvindu í kalda stríðinu.

Á námskeiðinu er fjallað um

• Berlínardeiluna og Berlínarmúrinn.
• Kjarnorkuvopnakapphlaup og hættu á nýrri heimsstyrjöld.
• Njósnir og undirferli.
• Hver stórveldin otuðu sínum tota hvort í sínum heimshluta.
• Kúbudeiluna; hve mikil hætta var á heimsstyrjöld og hvað hefði getað gerst?
• Che Guevara, byltingar og valdarán.
• Víetnamstríðið.
• Ísrael, olíu og Arabaríki.
• Slagurinn um Íran.
• ...og margt fleira!

Ávinningur þinn

• Þú rifjar upp sögu áranna 1945-1991 þegar friður ríkti milli stórveldanna tveggja en þau börðust samt með ýmsum hætti og í ýmsum heimshlutum.
• Þú kynnist mögnuðum persónuleikum sem við sögu komu: Stalín og Churshill, Kennedy og Krústjov, Nixon og Castro, Reagan og Gorbatsjov, Maó formanni og ættarveldi Norður-Kóreu.
• Þú kynnist ýmsum lítt þekktum afkimum þessa kalda stríðs sem háð var miklu víðar en flestir gera sér grein fyrir, jafnt í Afríku sem Suður-Ameríku sem Asíu.
• Þú tekur þátt í umræðu um hámark kalda stríðsins og um lok þess — eða er því kannski alls ekki lokið? 

Fyrir hverja

Námskeið Illuga Jökulssonar eru fyrir almenning og ætluð þeim sem hafa áhuga á æsilegum sögulegum atburðum og baksviði þeirra. Illugi leggur sig fram um að útskýra atburði, strauma og stefnur þannig að engrar sérstakrar fyrirframþekkingar er krafist.

Aðrar upplýsingar

Þátttakendur þurfa aðeins að taka með sér forvitni og áhuga, annað ekki. Spurningar eru mjög velkomnar og Illugi hvetur til umræðna í hópnum um efni námskeiðsins.

Nánar um kennara

Illugi Jökulsson, rithöfundur, hefur kennt fjölda námskeiða hjá Endurmenntun HÍ um söguleg og menningarleg efni - Napóleon, forseta Bandaríkjanna, Jesús frá Nasaret, Rómarkeisara, sögu Úkraínu, Winston Churchill, Hitler og Stalín.