Námskeið í skilvirkri notkun á VectorWorks. Sýnt er hvernig hönnunarteymi geta unnið saman að miðlægu upplýsingalíkani byggingar. Grunnmyndir, sneiðingar, útlitsteikningar og þrívíddarmyndir eru síðan búnar til úr líkaninu. Farið er yfir samræmingu og samskipti milli BIM forrita og magntöku og útgáfu teikninga.

Á námskeiðinu er fjallað um

• Teikningauppsetningu í þrívídd fyrir hönnunarteymi.
• Hybrid tækni í VectorWorks; veggi, gólf, þök og aðra byggingarhluta.
• Upplýsingalíkan, magntöku, villuleit og samræmingu.
• Hvar er hægt að fá aðstoð, sækja upplýsingar og læra meira.

Ávinningur þinn

• Að öðlast betri skilning á forritinu og möguleikum þess.
• Að sjá kostina við þrívíddarhönnun og BIM.

Fyrir hverja

Námskeiðið hentar einstaklingum sem hafa notað VectorWorks í einhvern tíma og vilja læra meira um þrívíddarhönnun og BIM hugsun.

Nánar um kennara

Hans-Olav Andersen er Arkitekt FAI MNAL með yfir 30 ára starfsreynslu. Hann hefur rekið Teiknistofuna Tröð með Sigríði Magnúsdóttur frá árinu 1990. Hans-Olav kenndi á VectorWorks í LHÍ í 10 ár. Þá er hann beta prófari fyrir forritið og notar það daglega.