Markmið námskeiðsins er að þátttakendur öðlist færni og innsæi á bæði sálræna þætti og tilvistarleg áhrif áfalla á líf skjólstæðinga og aðstandenda þeirra. Kynntar eru helstu leiðir sem hægt er að nota til að hjálpa þolendum áfalla og aðstandendum sem þurfa að vinna með þungbæra lífsreynslu.

Námskeiðið byggir á fyrirlestrum, umræðum og verkefnavinnu. Áhersla er lögð á hagnýta þjálfun á námskeiðinu og virk þátttaka nemenda er því nauðsynleg.

Á námskeiðinu er fjallað um

• Mismunandi úrvinnslu áfalla út frá sálgæslu annars vegar og sálfræði hins vegar og hvernig þessi tvö svið geta unnið saman.
• Kenningar og fræðilegt samhengi milli áfalla og afleiðinga þeirra.
• Áhrif áfalla sem skjólstæðingar lenda í og hvernig sú reynsla getur haft áhrif á fagaðila.

Fyrir hverja

Námskeiðið er fyrir alla þá sem áhuga hafa á málefninu og vilja nýta það í starfi.

Nánar um kennara

Dr. Berglind Guðmundsdóttir, sálfræðingur, og sr. Vigfús Bjarni Albertsson, forstöðumaður Fjölskyldu- og sálgæsluþjónustu kirkjunnar.