Valmynd
Vantar þig aðstoð við nýskráningu inn á Mínar síður? Horfðu á leiðbeiningarmyndbandið!
Fös. 11. og 18. okt. kl. 9:00 - 12:00
6 klst.Anna Sigríður Jóhannsdóttir
Endurmenntun Háskóla Íslands
Dagsbirtan gerir borgarrýmið heilnæmt og lifandi. Nýting og gæði dagsbirtu eru með mikilvægustu áhrifum borgarskipulags og arkitektúrs. Markmið námskeiðsins er að þátttakendur öðlist þekkingu á gildi dagsbirtunnar og læri að meta gæði hennar og áhrif. Jafnframt læra þátttakendur að skilja skuggavarp mannvirkja og gröf birtureikna. Námskeiðið er hugsað fyrir hönnuði skipulags og bygginga.
Á námskeiðinu verða dagsbirtugæði skilgreind og borgarrými metin út frá þeim. Dagsbirta á sér ýmis form og birtingar, hún er verkfæri hönnuða til rýmissköpunar en ekki síst nauðsynlegur miðill til aukinna lífsgæða og bættrar heilsu.
Ísland hefur sérstöðu hvað varðar dagsbirtu, með dimmum vetrum og björtum sumrum en ekki síst með lágum sólarvinkli sem krefst sérstakrar athygli við hönnun. Farið verður yfir það hvers vegna við þurfum að bæta dagsbirtugæði og hvernig við getum gert það í okkar sérstæða umhverfi. Leitað verður fanga í söguna, byggðaþróun Reykjavíkur og nýjustu rannsóknir til að skilja og skynja okkar nánasta umhverfi og aðferðir til að bæta það enn frekar.
Arkitekta, skipulagsfræðinga og aðra sem koma að hönnun byggðar og ákvarðanatöku um byggðamál.
Kennsla fer fram í fyrirlestraformi og með virku samtali þátttakenda. Möguleg verkefni verða í formi athugana í lifandi umhverfi og í frjálsu formi.
Anna Sigriður er arkitekt Cand.Arch. frá Aarkitektskolen Aarhus. Hún hefur starfað sem arkitekt bæði í Þýskalandi og hér heima og var í yfir 20 ár meðeigandi VA arkitekta ehf. Meðfram arkitektastarfi hefur hún unnið að rannsóknum og kennslu allt frá árinu 2011. Dagsbirturannsóknir skapa þar sérstakan sess og í kjölfar slíkra rannsókna hefur Anna m.a. skrifað bókina „Dagsbirta sem vistvænn birtugjafi“ sem kom út árið 2014. Hún starfar nú sem Dósent við arkitektúrdeild Listaháskóla Íslands.
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.